مذاکرات فیصلہ کن مرحلے میں، اہم اعلان چند گھنٹوں میں متوقع

ذرائع نے مزید دعویٰ کیا کہ پاکستان کے آرمی چیف ممکنہ طور پر کل ایران کا دورہ کر سکتے ہیں تاکہ معاہدے کے حتمی فارمولے کا اعلان کیا جا سکے۔
ذرائع کے مطابق امریکہ اور ایران کے درمیان حتمی معاہدے کا اعلان آئندہ چند گھنٹوں میں ممکن ہو سکتا ہے، جبکہ حج سیزن کے بعد اسلام آباد میں مذاکرات کا نیا دور بھی متوقع ہے۔
اس سے قبل العربیہ کے ذرائع نے بتایا تھا کہ پاکستان کو بعض اقتصادی نکات پر ’محدود امریکی لچک‘ سے آگاہ کیا گیا ہے، جن میں ایران پر پابندیوں میں نرمی بھی شامل ہے تاہم واشنگٹن نے واضح کیا ہے کہ وہ جوہری مطالبات اور آبنائے ہرمز میں بحری سلامتی کے معاملے پر کوئی رعایت نہیں دے گا۔
ذرائع کے مطابق ایران اب بھی مستقبل میں کسی ممکنہ حملے کی روک تھام سے متعلق امریکی ضمانتوں کو ناکافی سمجھتا ہے۔