ایران منتیں کر رہا ہے: ٹرمپ، حملہ ہوا تو نئے محاذ کھول دیں گے: ایران

ٹرمپ نے کہا کہ امریکہ ایران کو فوجی نوعیت کی جوہری صلاحیت حاصل نہیں کرنے دے گا، اور دعویٰ کیا کہ اگر تہران کو ایسی صلاحیت ملی تو وہ خطے کے استحکام کے لیے خطرہ بن سکتی ہے۔
انہوں نے یہ بھی کہا کہ گزشتہ امریکی اور اسرائیلی کارروائیوں سے ایران کی میزائل اور ڈرون صلاحیتوں کو نقصان پہنچا ہے، جبکہ حالیہ پیش رفت نے ایران کے داخلی منظرنامے پر بھی اثرات مرتب کئے ہیں۔
آبنائے ہرمز کے حوالے سے ٹرمپ نے کہا کہ یہ ایک انتہائی اہم عالمی گزرگاہ ہے اور اسے معاشی دباؤ کے ہتھیار کے طور پر استعمال نہیں کیا جانا چاہئے۔
ادھر ایرانی فوج نے سخت مؤقف اپناتے ہوئے خبردار کیا کہ اگر امریکہ نے دوبارہ حملے شروع کیے تو ایران نئے محاذ کھول سکتا ہے۔