2026 کے مالی سال کی پہلی سہ ماہی میں سعودی عرب کے سرکاری بجٹ کی کارکردگی کے مطابق مجموعی اخراجات 387 ارب ریال تک پہنچ گئے، جو 2025 کی اسی مدت کے 322 ارب ریال کے مقابلے میں 20 فیصد زیادہ ہیں۔
یہ اضافہ قومی حکمت عملیوں اور اقتصادی تنوع کے منصوبوں پر عملدرآمد کے نتیجے میں ہوا، جس کا مقصد مالی پائیداری اور طویل مدتی معاشی نمو کے درمیان توازن قائم رکھنا ہے۔
دوسری جانب، مجموعی آمدن 261 ارب ریال رہی، جو 2025 کی پہلی سہ ماہی کے 264 ارب ریال کے مقابلے میں ایک فیصد کم ہے، جس کے نتیجے میں بجٹ خسارہ 126 ارب ریال ریکارڈ کیا گیا۔
مزید پڑھیں
تیل سے حاصل ہونے والی آمدن 145 ارب ریال رہی، جو گزشتہ سال کے مقابلے میں 3 فیصد کم ہے جبکہ غیر تیل آمدن بڑھ کر 116 ارب ریال ہوگئی، جو 2 فیصد اضافہ ظاہر کرتی ہے۔
اخراجات کے حوالے سے، سماجی مراعات پر خرچ 2 فیصد بڑھ کر 31 ارب ریال سے تجاوز کر گیا۔
صحت اور سماجی ترقی کے شعبے میں اخراجات 12 فیصد اضافے کے
ساتھ 81 ارب ریال تک پہنچ گئے جبکہ بنیادی ڈھانچے اور ٹرانسپورٹ پر اخراجات 26 فیصد بڑھ کر 12 ارب ریال ہوگئے۔
اقتصادی اشاریوں کے مطابق 2025 میں حقیقی جی ڈی پی میں 4.5 فیصد اضافہ ہوا جبکہ 2026 کے اختتام تک اسے 4.6 فیصد تک پہنچنے کی توقع ہے۔
افراط زر کی شرح 1.8 فیصد رہی، جو قیمتوں میں استحکام کی نشاندہی کرتی ہے۔
تجارتی توازن میں جنوری اور فروری 2026 کے دوران 36.9 ارب ریال کا سرپلس ریکارڈ کیا گیا، جبکہ غیر تیل برآمدات 17.5 فیصد بڑھ کر 63.3 ارب ریال ہوگئیں۔
غیر تیل آمدن میں 2٪ اضافہ
اہم مثبت اشارہ
لیبر مارکیٹ میں بھی بہتری دیکھی گئی، جہاں نجی شعبے میں سعودی ملازمین کی تعداد 2.5 ملین تک پہنچ گئی۔
اسی طرح پوائنٹ آف سیل سیلز میں 4.4 فیصد اضافہ اور ای کامرس میں 42.6 فیصد نمایاں اضافہ ریکارڈ ہوا۔
صنعتی پیداوار میں 9.8 فیصد اضافہ ہوا، جبکہ غیر ملکی ذخائر 1.786 کھرب ریال تک پہنچ گئے۔ بینکنگ کریڈٹ میں 8.8 فیصد اضافہ ہوا، جبکہ رئیل اسٹیٹ کی قیمتوں میں معمولی 1.6 فیصد کمی دیکھی گئی۔
ماہرین کے مطابق یہ اعداد و شمار سعودی معیشت میں تنوع اور استحکام کو ظاہر کرتے ہیں۔
انہوں نے کہا کہ غیر تیل آمدن میں اضافہ، صحت اور سماجی شعبوں میں سرمایہ کاری، اور بڑے منصوبوں کی تیاری مستقبل کی ترقی کی بنیاد ہیں۔