2016 میں وژن کے آغاز کے بعد سے، مملکت نے شہری کو با اختیار بنانے کو اولین ترجیح بنایا، اور خواتین کو با اختیار بنانا اس ہمہ گیر تبدیلی کا حقیقی محرک ثابت ہوا۔
مختصر عرصے میں وہ فاصلے طے کر لئے گئے جو پہلے نسلوں میں ناپے جاتے تھے۔
آج جب ہم 2025 میں ہیں، سعودی خواتین اب مواقع کی طلبگار نہیں رہیں بلکہ خود مواقع پیدا کر رہی ہیں اور سفارت کاری، سائنس اور معیشت میں قیادت کر رہی ہیں، ایسے ریکارڈ قائم کر رہی ہیں جو 2030 کے لیے مقررہ ابتدائی اہداف سے بھی پہلے حاصل ہو چکے ہیں۔
مزید پڑھیں
اخبار 24 کے مطابق اس بااختیاری کے ثمرات بین الاقوامی اشاریوں میں نمایاں نظر آئے، جہاں مملکت نے 2016 سے 2024 کے درمیان عالمی بینک کی ’جینڈر گیپ رپورٹ‘ میں 17 درجے ترقی کی، جو مرد و زن کے درمیان معاشی مواقع کی برابری کو جانچتی ہے۔
یہ ترقی اتفاقیہ نہیں بلکہ گہرے ساختی اور قانونی اصلاحات کا نتیجہ ہے، جنہوں نے زندگی کے تمام شعبوں کو متاثر کیا، چاہے وہ لیبر قوانین
میں تبدیلی ہو یا خواتین کے لیے بند شعبوں کو کھولنا۔
آج سعودی معاشرے میں ایسی متاثر کن خواتین موجود ہیں جو خلاء تک پہنچ چکی ہیں، بڑی کمپنیوں کی قیادت کر رہی ہیں اور اعلیٰ سفارتی عہدوں پر فائز ہیں۔
لیبر مارکیٹ میں پیش رفت
وژن کے دوسرے مرحلے ’2021-2025‘ میں خواتین کی لیبر مارکیٹ میں شرکت میں نمایاں اضافہ ہوا، جہاں یہ شرح 30 فیصد کے ہدف سے بڑھ کر 36 فیصد تک پہنچ گئی۔
ریموٹ ورک اور فری لانس پلیٹ فارمز نے خواتین کو پیشہ ورانہ اور سماجی زندگی میں توازن قائم کرنے میں مدد دی۔
’گھریلو پیداوار‘ کے شعبے میں 2025 کے دوران 151 ہزار سے زائد مواقع پیدا ہوئے، جس سے خواتین نے اپنی مہارتوں کو معاشی منصوبوں میں تبدیل کیا۔
عالمی جینڈر گیپ
رپورٹ میں
سعودی عرب
کی 17 درجے ترقی
قانونی اصلاحات، مساوات اور تحفظ
وژن 2030 کے تحت لیبر قوانین اور سوشل انشورنس میں اصلاحات کی گئیں تاکہ خواتین کے حقوق کا تحفظ یقینی بنایا جا سکے اور امتیاز کا خاتمہ ہو۔
یہ اصلاحات اجرت کے تحفظ، پیشہ ورانہ سلامتی اور ڈیجیٹل معاہدوں کے ذریعے خواتین کو قانونی اور مالی تحفظ فراہم کرتی ہیں۔
سعودی خواتین نے سائنس اور تحقیق میں بھی نمایاں کامیابیاں حاصل کیں، جن میں ریانہ برناوی کا بطور پہلی سعودی و عرب خاتون خلا میں جانا شامل ہے۔
42 جامعات کے 2200 سے زائد طلبہ نے خلائی تجربات میں حصہ لیا، جبکہ خواتین نے طبی تحقیق میں بھی اہم کامیابیاں حاصل کیں۔
قیادت میں خواتین، عالمی سطح پر نمائندگی
سعودی خواتین اب سفارتی اور حکومتی قیادت میں نمایاں کردار ادا کر رہی ہیں، جن میں امریکہ میں سفیر شہزادی ریما بنت بندر اور دیگر اعلیٰ عہدیداران شامل ہیں۔
مالیاتی شعبے میں بھی خواتین نے بڑی کمپنیوں کی قیادت سنبھالی، جس سے معیشت میں تنوع اور ترقی کو فروغ ملا۔
سعودی خواتین نے توقعات سے بڑھ کر کامیابیاں حاصل کیں اور یہ ثابت کیا کہ خواتین میں سرمایہ کاری ہی پائیدار ترقی کا تیز ترین راستہ ہے۔
وژن 2030 کے تیسرے مرحلے میں داخل ہوتے ہوئے، سعودی خواتین مزید بلند اہداف کی جانب گامزن ہیں۔