عراق کی وزارت داخلہ نے آج منگل کو کہا ہے کہ نامعلوم افراد نے امریکی صحافی خاتون شیلی کلسٹن کو اغوا کر لیا ہے۔
اغواکاروں کی گاڑی کے الٹ جانے کے بعد ایک ملزم کو گرفتار کر لیا گیا۔
بالفيديو: مسلحون عراقيون يخطفون صحفية أمريكية وسط بغدادhttps://t.co/Plmttn5LBEpic.twitter.com/yXntUciqXM
— صحيفة المرصد (@marsdnews24) March 31, 2026
العربیہ کے مطابق وزارت داخلہ نے کہا ہے تعاقب اور آپریشن کے دوران اغواکاروں کی گاڑی گھیر کر ان کا راستہ روکا گیا، جس کے نتیجے میں گاڑی الٹ گئی۔
اس دوران سکیورٹی فورسز نے ایک ملزم کو گرفتار کر لیا اور اغوا میں استعمال ہونے والی ایک گاڑی ضبط کر لی۔
مزید پڑھیں
وزارت داخلہ نے مزید کہا کہ باقی ملزمان کو پکڑنے اور اغوا شدہ صحافی خاتون کو آزاد کرانے کی کوششیں جاری ہیں، جبکہ واقعے کی تفصیلات تفتیش کے دوران سامنے آ رہی ہیں۔
وزارت نے یہ بھی واضح کیا کہ وہ کسی بھی کوشش کو برداشت نہیں کرے گی جو سکیورٹی کو ہلا سکے یا غیر ملکی مہمانوں کو نشانہ بنا سکے اور اس کے سکیورٹی ادارے مکمل چوکس رہیں گے اور قانون
شکنی کرنے والوں کو سختی سے انصاف کے کٹہرے میں لائیں گے۔
اغوا کی گئی امریکی صحافی خاتون اٹلی میں مقیم ہیں، ان کا نام شیلی کلسٹن بتایا گیا ہے۔
ایک مسلح گروہ نے انہیں بغداد میں اغوا کیا۔
سکیورٹی فورسز نے ایک اغواکار کو گرفتار کر لیا ہے۔