ٹرمپ بیجنگ سے روانہ: کیا چین نے ایران سے ہاتھ کھینچ لیا؟

چین، جو ایرانی تیل کا سب سے بڑا غیر ملکی خریدار ہے، ماضی میں ٹرمپ کی جانب سے ٹیرف عائد کیے جانے سے قبل محدود مقدار میں امریکی تیل بھی خرید چکا ہے۔
اسی طرح چین نے امریکی سویابین کی خریداری میں نمایاں کمی کرتے ہوئے زیادہ تر انحصار برازیل پر منتقل کر دیا تھا۔
دریں اثنا، بیسنٹ نے سی این بی سی سے گفتگو میں کہا کہ ہم چینی حکام کے ساتھ مصنوعی ذہانت سے متعلق حفاظتی ضمانتوں پر بات کریں گے۔
انہوں نے کہا کہ چین کے پاس انتہائی ترقی یافتہ مصنوعی ذہانت کا شعبہ موجود ہے، لیکن وہ اب بھی امریکا سے کافی پیچھے ہے۔
ان کے مطابق بیجنگ اور واشنگٹن مصنوعی ذہانت کے شعبے میں آگے بڑھنے کے لیے ایک پروٹوکول تیار کریں گے، خاص طور پر اس بات کو یقینی بنانے کے لیے کہ غیر ریاستی عناصر ان ماڈلز تک رسائی حاصل نہ کر سکیں۔
تاہم انہوں نے زور دے کر کہا کہ امریکی انتظامیہ جدت کا گلا گھونٹنا نہیں چاہتی، اور وہ اب تک بڑی ٹیکنالوجی کمپنیوں کی جانب سے پیش کیے گئے ماڈلز سے بہت خوش ہیں۔