کینیڈا ڈے کے پُرمسرت موقع پر شہر مسیساگا کے کونسل آفس میں ایک پروقار خصوصی ملاقات کا انعقاد کیا گیا، جہاں مسیساگا کی معزز میئر کیرولین پیرش نے عالمی سطح پر انسانیت کی خدمت کرنے والے ممتاز پاکستانی معالج، کلچرل ڈپلومیٹ اور سماجی رہنما ڈاکٹر منصور میمن سے ملاقات کی اور ان کی غیر معمولی خدمات کو خراجِ تحسین پیش کیا۔
اس موقع پر میئر کیرولین پیرش نے طب کے شعبے میں ڈاکٹر منصور میمن کی غیر معمولی مہارت، پسماندہ اور محروم طبقات کی فلاح و بہبود کے لیے ان کی مسلسل خدمات، اور مختلف ممالک و ثقافتوں کے درمیان انسان دوستی، مکالمے اور باہمی تعاون کے فروغ میں ان کے کردار کو بے حد سراہا۔
مزید پڑھیں
میئر نے اس امر پر بھی زور دیا کہ ڈاکٹر منصور میمن نے اپنی عملی جدوجہد کے ذریعے یہ ثابت کیا ہے کہ انسانیت کی خدمت، ثقافتی روابط اور عالمی خیرسگالی جغرافیائی سرحدوں کی پابند نہیں ہوتیں۔
یہ ملاقات ڈاکٹر منصور میمن کے اس منفرد وژن، روابط کی سفارت کاری Connectivity Diplomacy، کی عملی عکاسی بھی تھی، جس کے ذریعے وہ مختلف قوموں، ثقافتوں اور معاشروں کے درمیان امن، محبت،
ہمدردی اور باہمی احترام کے مضبوط رشتے استوار کرنے میں اہم کردار ادا کر رہے ہیں۔
مسیساگا کی شہری قیادت کی جانب سے یہ اعزاز نہ صرف ڈاکٹر منصور میمن کی دہائیوں پر محیط سماجی، طبی اور انسانی خدمات کا اعتراف ہے بلکہ پوری پاکستانی و جنوبی ایشیائی کمیونٹی کے لیے بھی باعثِ فخر اور اعزاز کا لمحہ ہے۔
ڈاکٹر منصور میمن کی زندگی کا بنیادی مقصد دنیا بھر کے محروم اور پسماندہ طبقات تک صحت، امید اور انسانی وقار کا پیغام پہنچانا ہے۔ کینیڈا میں ان کی اس باوقار پذیرائی نے ایک بار پھر یہ حقیقت اجاگر کر دی کہ انسانیت کی خدمت کی نہ کوئی سرحد ہوتی ہے اور نہ ہی کوئی قومیت۔