فیفا ورلڈ کپ 2026 کے گروپ مرحلے کے تیسرے راؤنڈ میں دو مختلف انداز کے مقابلے دیکھنے کو ملے۔
ایک جانب ترکی نے امریکا کو سنسنی خیز مقابلے کے بعد 3-2 سے شکست دے کر آخری لمحات میں شاندار کامیابی سمیٹی، جبکہ دوسری جانب آسٹریلیا اور پیراگوئے کے درمیان سخت دفاعی جنگ بغیر کسی گول کے 0-0 سے ختم ہوئی۔
لاس اینجلس کے سوفی اسٹیڈیم میں امریکا نے تیسرے ہی منٹ میں برتری حاصل کی، لیکن ترکی نے جلد ہی مقابلہ برابر کر دیا۔
مزید پڑھیں
پہلے ہاف کے اختتام تک ترک ٹیم 2-1 سے آگے تھی، تاہم امریکا نے دوسرے ہاف کے آغاز میں اسکور 2-2 کر دیا۔
جب میچ ڈرا کی جانب بڑھتا دکھائی دے رہا تھا تو انجری ٹائم کے آٹھویں منٹ میں جان آیہان نے فیصلہ کن گول کر کے ترکی کو 3-2 کی تاریخی فتح دلا دی۔
اگرچہ اعدادو شمار میں امریکا نے 53 فیصد بال پر قبضہ رکھا
، 18 شاٹس اور 9 کارنرز حاصل کیے، لیکن ترک گول کیپر کی شاندار کارکردگی اور مؤثر حملوں نے میزبان ٹیم کی تمام برتری بے اثر کر دی۔
شکست کے باوجود ایک گول اور ایک اسسٹ کرنے والے سیباستیان برہالٹر کو میچ کا بہترین کھلاڑی قرار دیا گیا۔
🇹🇷 Türkiye 3-2 United States 🇺🇸
— beIN SPORTS (@beINSPORTS_EN) June 26, 2026
Highlights ⤵️#FIFAWorldCup | #beINWC26 pic.twitter.com/yrBjbYXKTL
دوسری جانب سان فرانسسکو میں آسٹریلیا اور پیراگوئے کے درمیان مقابلہ سخت دفاعی حکمت عملی کی نذر ہو گیا۔
آسٹریلیا نے 56 فیصد بال اپنے پاس رکھی، 12 شاٹس اور 5 آن ٹارگٹ کوششیں کیں، مگر پیراگوئے کے گول کیپر نے پانچ شاندار سیوز کر کے اپنی ٹیم کو شکست سے بچا لیا۔
| # | ٹیم | کھیلے | گول فرق | پوائنٹس |
|---|---|---|---|---|
| 1 |
امریکا
|
3 | +4 | 6 |
| 2 |
آسٹریلیا
|
3 | 0 | 4 |
| 3 |
پیراگوئے
|
3 | -2 | 4 |
| 4 |
ترکیہ
|
3 | -2 | 3 |
✅ امریکا فاتح
امریکا نے 6 پوائنٹس کے ساتھ گروپ ڈی میں پہلی پوزیشن حاصل کرتے ہوئے ناک آؤٹ مرحلے میں جگہ بنا لی۔
🔥 آسٹریلیا آگے
آسٹریلیا نے 4 پوائنٹس اور بہتر گول فرق کی بدولت دوسرے نمبر پر رہتے ہوئے اگلے مرحلے کے لیے کوالیفائی کر لیا۔
⚠️ پیراگوئے اور ترکیہ باہر
پیراگوئے 4 پوائنٹس کے باوجود گول فرق کی وجہ سے پیچھے رہ گیا، جبکہ ترکیہ نے 3 پوائنٹس حاصل کیے مگر ناک آؤٹ مرحلے تک نہ پہنچ سکا۔
دونوں ٹیمیں مقررہ وقت میں ایک دوسرے کا دفاع توڑنے میں ناکام رہیں اور مقابلہ بغیر کسی گول کے ختم ہوگیا۔
پیراگوئے کے اے. جل کو دفاعی کھیل میں نمایاں کردار ادا کرنے پر میچ کا بہترین کھلاڑی قرار دیا گیا۔