ورلڈ کپ 2026 کے گروپ مرحلے کے تیسرے راؤنڈ میں سنسنی خیز نتائج نے ناک آؤٹ مرحلے کی دوڑ کو مزید دلچسپ بنا دیا۔
ایکواڈور نے جرمنی کو 2-1 سے شکست دے کر ٹورنامنٹ کا ایک بڑا اپ سیٹ کر دیا، جبکہ ہالینڈ نے تیونس کو 3-1 سے ہرا کر اپنی مضبوطی ثابت کی۔
دوسری جانب آئیوری کوسٹ نے کوراساؤ کے خلاف 2-0 کی کامیابی حاصل کی، جبکہ جاپان اور سویڈن کا مقابلہ 1-1 سے برابر رہا۔
مزید پڑھیں
ایکواڈور کا تاریخی کارنامہ
نیویارک میں کھیلے گئے مقابلے میں جرمنی نے دوسرے ہی منٹ میں لیروئے سانے کے ذریعے برتری حاصل کر لی، مگر ایکواڈور نے جلد ہی نیلسن انگولو کے گول سے اسکور برابر کر دیا۔
دوسرے ہاف میں وی اے آر نے جرمنی کی ایک پنالٹی منسوخ کر دی، جس کے بعد 77ویں منٹ میں گونزالو پلاٹا نے فیصلہ کن گول
کر کے اپنی ٹیم کو 2-1 کی تاریخی فتح دلا دی۔
🎬 ملخص مباراة الإكوادور وألمانيا | دور المجموعات - كأس العالم FIFA 2026™#كأس_العالم2026 | #مونديال2026 | #كأس_العالم#beINWC26 | #FIFAWorldCup2026 | #FIFAWorldCup pic.twitter.com/7rEljUdRpP
— beIN SPORTS (@beINSPORTS) June 25, 2026
آئیوری کوسٹ کی مضبوط پیش قدمی
فلاڈیلفیا میں آئیوری کوسٹ نے کوراساؤ کو 2-0 سے شکست دی۔
نکولس پیپے نے دونوں گول اسکور کر کے اپنی ٹیم کی کامیابی میں مرکزی کردار ادا کیا اور میچ کے بہترین کھلاڑی بھی قرار پائے۔
| # | ٹیم | کھیلے | گول فرق | پوائنٹس |
|---|---|---|---|---|
| 1 |
جرمنی
|
3 | +6 | 6 |
| 2 |
ساحلِ عاج
|
3 | +2 | 6 |
| 3 |
ایکواڈور
|
3 | 0 | 4 |
| 4 |
کوراساؤ
|
3 | -8 | 1 |
✅ جرمنی کوالیفائی
6 پوائنٹس اور +6 گول فرق کے ساتھ جرمنی نے شاندار انداز میں ناک آؤٹ مرحلے میں جگہ بنا لی۔
🔥 ساحلِ عاج بھی آگے
جرمنی کے برابر 6 پوائنٹس حاصل کرنے کے باوجود گول فرق کم ہونے کی وجہ سے دوسرے نمبر پر رہا۔
⚠️ ایکواڈور باہر
4 پوائنٹس حاصل کرنے کے باوجود ایکواڈور بہترین تیسرے نمبر کی دوڑ میں ناکام رہا، جبکہ کوراساؤ صرف ایک پوائنٹ کے ساتھ آخری نمبر پر رہا۔
ہالینڈ نے تیونس کو قابو میں رکھا
کینساس سٹی میں ہالینڈ نے ابتدا ہی سے جارحانہ انداز اپنایا۔
تیسرے منٹ میں خودکش گول اور ساتویں منٹ میں برائن بروبی کے گول نے میچ کا رخ بدل دیا۔
اگرچہ حازم مستوری نے تیونس کے لیے ایک گول کر کے امید پیدا کی، مگر یان پال فان ہیکے کے تیسرے گول نے ہالینڈ کی 3-1 کی کامیابی یقینی بنا دی۔
ملخص مباراة تونس وهولندا | دور المجموعات - كأس العالم FIFA 2026™#كأس_العالم2026 | #مونديال2026 | #كأس_العالم#FIFAWorldCup2026 | #FIFAWorldCup | #beINWC26 pic.twitter.com/ab2qQfmnKs
— beIN SPORTS (@beINSPORTS) June 26, 2026
جاپان اور سویڈن نے پوائنٹس تقسیم کر لیے
ڈلاس میں جاپان نے دایزن مائیدا کے ذریعے برتری حاصل کی، لیکن سویڈن نے صرف چند منٹ بعد انتھونی ایلانگا کے گول سے مقابلہ برابر کر دیا۔
دونوں ٹیموں نے فتح کے لیے بھرپور کوشش کی، تاہم میچ 1-1 سے ختم ہوا اور دونوں کو ایک، ایک پوائنٹ پر اکتفا کرنا پڑا۔
| # | ٹیم | کھیلے | گول فرق | پوائنٹس |
|---|---|---|---|---|
| 1 |
ہالینڈ
|
3 | +6 | 7 |
| 2 |
جاپان
|
3 | +4 | 5 |
| 3 |
سویڈن
|
3 | 0 | 4 |
| 4 |
تونس
|
3 | -10 | 0 |
✅ ہالینڈ گروپ چیمپئن
7 پوائنٹس اور +6 گول فرق کے ساتھ ہالینڈ نے شاندار کارکردگی کے بعد گروپ ایف میں پہلی پوزیشن حاصل کر لی۔
🔥 جاپان ناک آؤٹ مرحلے میں
جاپان نے 5 پوائنٹس اور +4 گول فرق کے ساتھ دوسری پوزیشن حاصل کرتے ہوئے اگلے مرحلے کے لیے کوالیفائی کر لیا۔
⚠️ سویڈن اور تونس باہر
سویڈن 4 پوائنٹس کے باوجود آگے نہ بڑھ سکا، جبکہ تونس تینوں میچ ہار کر بغیر کسی پوائنٹ کے ایونٹ سے باہر ہو گیا۔
ناک آؤٹ مرحلے کی دوڑ مزید دلچسپ
تیسرے راؤنڈ کے ان نتائج نے کئی گروپس کی صورتحال بدل دی ہے۔
ایکواڈور کی جرمنی کے خلاف تاریخی فتح، ہالینڈ کی مضبوط کارکردگی، آئیوری کوسٹ کی کامیابی اور جاپان و سویڈن کے ڈرا نے اگلے مرحلے کی دوڑ کو مزید سنسنی خیز بنا دیا ہے، جہاں آخری پوزیشنوں کا فیصلہ اب معمولی فرق سے ہوگا۔