پاکستان کے وزیرِاعظم شہباز شریف نے کہا ہے کہ پاکستان کو اس بات پر فخر ہے کہ فیفا ورلڈ کپ 2026 میں استعمال ہونے والی سرکاری فٹبالز پاکستان میں تیار کی گئی ہیں، جو ملک کی عالمی شہرت یافتہ اسپورٹس انڈسٹری کی مہارت اور معیار کا مظہر ہیں۔
سماجی رابطے کی ویب سائٹ ایکس پر اپنے پیغام میں شہباز شریف نے ورلڈ کپ 2026 کے آغاز پر میزبان ممالک امریکا، کینیڈا اور میکسیکو سمیت تمام شریک ٹیموں کے لیے نیک تمناؤں کا اظہار کیا۔
A very special day for football fans around the world as the 23rd FIFA World Cup kicks off today.
— Shehbaz Sharif (@CMShehbaz) June 11, 2026
This global event is a celebration of sport’s unique ability to bring people together across borders, cultures, and nationalities. I extend my best wishes to the host nations USA,…
انہوں نے کہا کہ فٹبال ورلڈ کپ ایک ایسا عالمی ایونٹ ہے جو مختلف قومیتوں، ثقافتوں اور معاشروں کو کھیل کے ذریعے ایک پلیٹ فارم پر اکٹھا کرتا ہے۔
مزید پڑھیں
وزیرِاعظم نے کہا کہ پاکستان اس عظیم عالمی مقابلے میں اپنی معروف اسپورٹس انڈسٹری کے ذریعے شریک ہے۔
ان کے مطابق ورلڈ کپ 2026 کی سرکاری میچ بالز “ٹریونڈا” پاکستان میں تیار کی گئی ہیں، جو پاکستانی کاریگروں کی مہارت، محنت اور اعلیٰ معیار کی عکاسی کرتی ہیں۔
شہباز شریف کا کہنا تھا کہ عالمی سطح کے اس ایونٹ میں پاکستانی
ساختہ گیندوں کا استعمال ملک کے لیے باعثِ فخر ہے اور یہ اس بات کا ثبوت ہے کہ پاکستان کی اسپورٹس مصنوعات دنیا بھر میں اپنا منفرد مقام رکھتی ہیں۔
انہوں نے مزید کہا کہ پاکستانی اسپورٹس انڈسٹری کئی دہائیوں سے بین الاقوامی کھیلوں کے لیے معیاری سامان فراہم کر رہی ہے اور ورلڈ کپ میں اس کی موجودگی ملک کی صنعتی صلاحیتوں کا عالمی اعتراف ہے۔
اپنے پیغام کے اختتام پر وزیرِاعظم نے امید ظاہر کی کہ ورلڈ کپ 2026 دنیا بھر کے عوام کے درمیان دوستی، ہم آہنگی اور اتحاد کو فروغ دے گا اور کھیلوں کے جذبے کو مزید مضبوط بنائے گا۔