سعودی ارامکو نے 2026 کی پہلی سہ ماہی میں بلند سرکاری فروختی قیمتوں اور انتہائی کم پیداواری لاگت کی بدولت عالمی تیل کمپنیوں کے مقابلے میں شاندار مالی نتائج حاصل کیے۔
آبنائے ہرمز میں بحران کے باوجود آرامکو نے 33.6 ارب ڈالر منافع کمایا، جبکہ کئی عالمی کمپنیاں شدید دباؤ کا شکار رہیں۔
سعودی ارامکو کے پہلی سہ ماہی کے نتائج سے ظاہر ہوتا ہے کہ کمپنی نے دنیا کی بڑی تیل کمپنیوں کے مقابلے میں زیادہ قیمت پر تیل فروخت کیا، جس کی بدولت وہ شیل پی ایل سی، ایکسون موبِل اور شیورون کارپوریشن جیسی کمپنیوں سے بہتر مالی نتائج حاصل کرنے میں کامیاب رہی، حالانکہ آبنائے ہرمز میں بحری آمد و رفت متاثر ہونے کے باعث سعودی تیل برآمدات میں کمی آئی ہے۔
سعودی ارامکو کا اوسط فروختی نرخ بڑھ کر 76.90 ڈالر فی بیرل ہوگیا، جو 2025 کی چوتھی سہ ماہی کے 64.10 ڈالر کے مقابلے میں 20 فیصد زیادہ ہے۔
مزید پڑھیں
اس اضافے کی وجہ سرکاری فروختی قیمت OSP میں ریکارڈ اضافہ تھا، جس نے عرب لائٹ خام تیل کو برینٹ اور ویسٹ ٹیکساس دونوں سے مہنگا کردیا۔
ایران جنگ کے باعث فوری سپلائی والے تیل کی قیمتوں میں غیرمعمولی اضافہ ہوا، جس میں سعودی خام تیل بھی شامل تھا، جبکہ عالمی منڈیوں میں مستقبل کی سپلائی کے معاہدے نسبتاً کم قیمت پر رہے۔
قیمت مقرر کرنے کی طاقت
یہ ماہانہ قیمت مقرر کرنے کی حکمتِ عملی سعودی ارامکو کے خالص منافع میں 26 فیصد اضافے کا سبب بنی اور کمپنی کا ایڈجسٹڈ خالص منافع 33.6 ارب ڈالر تک پہنچ گیا جو تجزیہ کاروں کی توقعات سے دو ارب ڈالر زیادہ تھا۔
سرکاری فروختی قیمت OSP کا نظام اس کامیابی کا بنیادی عنصر قرار دیا جارہا ہے۔
سعودی ارامکو ہر ماہ ایشیائی خریداروں کے لیے عمان/دبئی اوسط قیمت اور یورپی خریداروں کے لیے برینٹ خام تیل کے ریفرنس ریٹ پر اضافی فرق مقرر کرتی ہے۔
فروری کے آخر میں جنگ شروع ہونے کے بعد مارچ میں عرب لائٹ خام تیل کی اوسط قیمت 108 ڈالر فی بیرل تک پہنچ گئی، جو امریکی انرجی انفارمیشن ایڈمنسٹریشن کے مطابق برینٹ کے 103 ڈالر اور ویسٹ ٹیکساس انٹرمیڈیٹ کے 92 ڈالر فی بیرل سے زیادہ تھی۔
آرامکو کا
ایڈجسٹڈ خالص
منافع 26 فیصد
اضافے کے بعد
33.6 ارب ڈالر رہا
خلیجی ممالک کے مقابلے میں کم نقصان
سعودی ارامکو نے ان آپریشنل نقصانات کو بھی محدود رکھا جو خلیجی ممالک خصوصاً عراق، کویت اور قطر کو متاثر کررہے تھے۔
سعودی ’ایسٹ، ویسٹ‘ پائپ لائن، جو مشرقی آئل فیلڈز کو بحیرہ احمر کے ساحلی شہر ينبع سے ملاتی ہے، اپنی مکمل 70 لاکھ بیرل یومیہ گنجائش پر چلتی رہی، جبکہ مارچ کے اختتام تک خام تیل برآمدات 50 لاکھ بیرل یومیہ تک پہنچ گئیں، جو جنگ سے پہلے کی سطح کا تقریباً 70 فیصد ہے۔
ایکسون موبیل کی آمدنی میں کمیاس کے مقابلے میں ایکسون موبیل کا خالص منافع 45 فیصد کم ہوکر 4.2 ارب ڈالر رہ گیا۔
اس کی بڑی وجہ قطر میں مائع قدرتی گیس LNG کی پیداوار متاثر ہونا تھی، جہاں ایرانی حملوں سے گیس لیکویفیکشن یونٹس کو نقصان پہنچا۔
یورپی تیل کمپنیوں نے نسبتاً بہتر کارکردگی دکھائی۔
BP نے 3.2 ارب ڈالر خالص منافع حاصل کیا، جو 550 فیصد اضافہ ہے، جبکہ ٹوٹل انرجیز نے 5.4 ارب ڈالر ایڈجسٹڈ خالص منافع ریکارڈ کیا، جو 29 فیصد زیادہ ہے۔
اسی طرح شیل نے 6.9 ارب ڈالر منافع حاصل کیا، جو سالانہ بنیاد پر 19 فیصد اضافہ ہے۔
سعودی عرب میں تیل نکالنے کی کم لاگت
سعودی ارامکو کی مضبوط کمائی میں سعودی عرب میں تیل نکالنے کی انتہائی کم لاگت نے بھی اہم کردار ادا کیا، جو صرف 2 ڈالر فی بیرل ہے۔
یہ بات کمپنی کے چیف ایگزیکٹو امین الناصر نے اکتوبر 2025 میں انرجی انٹیلی جنس فورم میں بتائی تھی۔
کم لاگت کی بدولت سعودی ارامکو اپنے حریفوں کے مقابلے میں کم قیمتوں پر بھی زیادہ منافع حاصل کرنے کی صلاحیت رکھتی ہے۔
اعدادوشمار سے ظاہر ہوتا ہے کہ مئی اور جون 2026 کے لیے مقرر کی گئی سرکاری فروختی قیمتیں — جو مئی میں ایشیا کے لیے عمان/دبئی اوسط سے 19.50 ڈالر اور جون میں 15.50 ڈالر زیادہ تھیں — دوسری سہ ماہی کے نتائج میں مزید نمایاں ہوں گی۔
اگر آبنائے ہرمز بند رہی تو سعودی ارامکو اور ایکسون موبِل کے منافع میں فرق مزید بڑھنے کا امکان ہے۔