سعودی عرب نے پاکستان میں ’مکہ روٹ اینیشیٹو‘ کے تیسرے اسٹیشن کا افتتاح لاہور میں علامہ اقبال انٹرنیشنل ایئرپورٹ پر کیا ہے۔
اس موقع پر پاکستان کے وزیر مذہبی امور سردار محمد یوسف، پاکستان میں سعودی سفیر نواف بن سعید المالکی اور ڈائریکٹر جنرل جوازات لیفٹیننٹ جنرل ڈاکٹر صالح بن سعد المربع بھی موجود تھے۔
مزید پڑھیں
سعودی پریس ایجنسی کے مطابق ’مکہ روٹ اینیشیٹو‘ کا مقصد مستفید ممالک سے آنے والے عازمین حج کو اعلیٰ معیار کی سہولیات فراہم کرنا ہے، جس کے تحت ان کے امیگریشن مراحل ان کے اپنے ملک میں کیے جاتے ہیں۔
اس عمل میں حج ویزوں کا الیکٹرانک اجرا، بایومیٹرک اندراج، اور صحت سے متعلق شرائط کی تصدیق کے بعد سعودی عرب میں داخلے کے مراحل مکمل کیے جاتے ہیں۔
