قابض اسرائیلی افواج نے گزشتہ 30 روز سے مسجد اقصیٰ کے دروازے بند کر رکھے ہیں جبکہ شہر مقدس اور مغربی کنارے کے فلسطینی شہروں و قصبوں میں سخت فوجی اقدامات جاری ہیں۔
اس کے نتیجے میں فلسطینیوں کی نقل و حرکت محدود ہو گئی اور وہ مسجد اقصیٰ تک پہنچنے سے محروم رہ گئے ہیں۔
اسی دوران اسرائیلی فورسز نے مغربی کنارے کے مختلف علاقوں میں بڑے پیمانے پر گرفتاریوں کی کارروائیاں جاری رکھی ہوئی ہیں جن میں فلسطینیوں کے گھروں پر چھاپے، فائرنگ، آنسو گیس کے استعمال اور شہری املاک کو نقصان پہنچانے کے واقعات شامل ہیں۔