اسلام آباد میں ترک وزیر خارجہ حکان فیدان آج اتوار کو وزارتِ خارجہ پہنچے جہاں ان کا استقبال نائب وزیر اعظم اور وزیر خارجہ محمد اسحاق ڈار نے کیا ہے۔
دونوں وزرائے خارجہ نے باہمی دلچسپی کے تمام امور بشمول علاقائی ترقیات پر دوطرفہ مشاورت کی ہے۔
اسی دوران نائب وزیراعظم و وزیر خارجہ محمد اسحاق ڈار سے مصر کے وزیر خارجہ ڈاکٹر بدر عبدالعاطی نے ملاقات کی ہے۔
ملاقات کے دوران پاکستان اور مصر کے درمیان دوطرفہ تعلقات پر مفید مذاکرات ہوئے۔
بات چیت میں تعلقات کو مزید مضبوط بنانے، اقتصادی تعاون بڑھانے اور علاقائی و عالمی امور پر ہم آہنگی قائم کرنے کے عزم پر زور دیا گیا۔