سعودی عرب میں رہائش، محنت اور سرحدی قوانین کی خلاف ورزی کرنے والوں کے خلاف مشترکہ کارروائیوں کے نتیجے میں 22 ہزار 9 سو 31 غیر قانونی تارکین گرفتار ہوئے ہیں۔
سعودی پریس ایجنسی کے مطابق یہ گرفتاریاں 12 تا 18 مارچ 2026 کے دوران ہوئی ہیں۔
غیر قانونی تارکین کے خلاف مہم چلانے والی مشترکہ کمیٹی نے کہا ہے کہ :
- 17,181 گرفتار شدگان اقامہ قوانین کے خلاف ورزی کر رہے تھے۔
- 3,931 سرحدی قوانین کے خلاف ورزی کے مرتکب تھے۔
- 1,819 گرفتار شدگان قانونِ محنت کی خلاف ورزی میں ملوث تھے۔
کمیٹی نے کہا ہے کہ غیر قانونی طور پر سرحد سے ملک میں داخل ہونے کی کوشش کے دوران 1,635 افراد گرفتار ہوئے، جن میں 29 فیصد یمنی، 68 فیصد ایتھوپین اور 3 فیصد دیگر ملکوں کے تارکین تھے۔
اسی طرح 40 افراد غیر قانونی طور پر ملک سے باہر جانے کی کوشش کرتے ہوئے گرفتار ہوئے ہیں۔
کمیٹی نے کہا ہے کہ 36 افراد گرفتار ہوئے جو غیر قانونی تارکین کو رہائش، کام اور ٹرانسپورٹ فراہم کرنے ملوث تھے۔