متحدہ عرب امارات کی وزارت دفاع نے اعلان کیا ہے کہ آج 27 مارچ 2026 کو دفاعی فضائیہ نے ایران سے آنے والے 6 بیلسٹک میزائل اور 9 ڈرونز کو ناکام بنایا ہے۔
وزارت دفاع نے بتایا کہ ایرانی حملوں کے آغاز سے اب تک 378 بیلسٹک میزائل، 15 کروز میزائل اور 1835 ڈرونز ملک کے مختلف علاقوں کو نشانہ بنانے کی کوشش کی گئی جنہیں کامیابی سے ناکام بنایا گیا ہے۔
مزید پڑھیں
سبق ویب سائٹ کے مطابق ان حملوں کے نتیجے میں دو فوجی اپنی قومی ذمہ داری نبھاتے ہوئے شہید ہوئے، ایک مراکشی شہری جو فوج کے ساتھ معاہدے پر کام کر رہا تھا بھی شہید ہوا۔
وزارت دفاع نے کہا ہے کہ مزید 8 شہری مختلف ممالک سے تعلق رکھنے والے مارے گئے جن میں پاکستان، نیپال، بنگلہ دیش، فلسطین اور بھارت شامل ہیں۔
حملوں کے دوران 171 افراد زخمی ہوئے جن میں ہلکی، درمیانی اور شدید نوعیت کی چوٹیں شامل ہیں، اور متاثرین مختلف قومیّتوں سے تعلق رکھتے ہیں جن میں اماراتی، مصری، سوڈانی، ایتھوپین، فلپائنی، پاکستانی، ایرانی، بھارتی، بنگلہ دیشی، سری لنکی، آذربائیجانی، یمنی، یوگنڈا، اریٹیریا، لبنانی، افغانی، بحرینی، کوموری، ترک، عراقی، نائجیریائی، عمانی، اردنی، فلسطینی، گھانی، انڈونیشیائی، سویڈش اور تونسی شامل ہیں۔
وزارت دفاع نے اس بات پر زور دیا کہ متحدہ عرب امارات ہر قسم کے خطرات سے نمٹنے کے لیے مکمل تیار ہے اور ملک کی سلامتی، استحکام اور قومی مفادات کے تحفظ کے لیے ہر ممکن اقدام کرنے میں عزم رکھتی ہے۔