مشرقِ وسطیٰ میں اس وقت ایک عجیب منظر ہے۔ ایک طرف امریکہ ایران کی معیشت پر ایسا دباؤ بڑھا رہا ہے جسے واشنگٹن اپنی انتہائی سخت اقتصادی کارروائی قرار دے رہا ہے۔
دوسری طرف ایران آبنائے ہرمز کو اپنی سب سے اہم جوابی طاقت بنائے بیٹھا ہے، لیکن اسی جنگی ماحول میں سفارت کاری کے دروازے بھی پوری طرح بند نہیں ہوئے۔
مزید پڑھیں
اصل سوال یہ نہیں کہ امریکہ اور ایران دوبارہ ٹکرائیں گے یا نہیں، بلکہ زیادہ دلچسپ سوال یہ ہے کہ کیا شدید دباؤ، دھمکیوں اور چھپے رابطوں کے درمیان اچانک کوئی بڑی سیاسی ڈیل سامنے آسکتی ہے؟
پاکستانی کردار کے حولے سے اس وقت اس کہانی کا ایک خاص پہلو بھی ہے کہ اسلام آباد اس بار محض تماشائی نہیں، ثالثی کے میدان میں ایک اہم کھلاڑی بن کر سامنے آیا ہے۔
⚖️
جنگ یا بڑی ڈیل؟ تین راستے، ایک فیصلہ
+
جنگ یا بڑی ڈیل؟ تین راستے، ایک فیصلہ
چھ ماہ کی شدید عسکری و معاشی محاذ آرائی کے باوجود واشنگٹن اور تہران کے مابین خفیہ سفارتی چینلز مکمل طور پر بند نہیں ہوئے۔ پورا خطہ اس وقت تین واضح اور متبادل راستوں کے سنگم پر کھڑا ہے۔
1۔ تاریخی گرینڈ بارگین
پابندیوں کے خاتمے اور ہرمز میں محفوظ جہاز رانی کے بدلے ایک وسیع علاقائی و سیکیورٹی ڈیل، جس پر عمان اور قطر پسِ پردہ سرگرم عمل ہیں۔
2۔ علاقائی عسکری تصادم
اسرائیل کی جانب سے لبنان یا اندرونِ ایران جارحانہ کارروائی، جو ممکنہ سفارتی سمجھوتے کی عمارت کو پلک جھپکتے ہی مسمار کر دے۔
3۔ طویل معاشی گھماؤ
نہ مکمل جنگ اور نہ پائیدار امن؛ سخت معاشی پابندیوں اور محدود پراکسی کشیدگی کا وہ تسلسل جو فریقین کے صبر کا امتحان لے۔
جنگ بھی جاری، مذاکرات کی کھڑکی بھی کھلی
امریکہ اور اسرائیل کے ساتھ ایران کی جنگ کو تقریباً 6 ماہ ہو چکے ہیں۔ تجزیہ کار عریب الرنتاوی اسی تضاد کی طرف توجہ دلاتے ہیں کہ فوجی اور اقتصادی کشیدگی اپنے عروج پر ہونے کے باوجود ثالثی ختم نہیں ہوئی۔
اُن کے نزدیک خطہ بیک وقت 2 راستوں پر چل رہا ہے: ایک جنگ اور دوسرا کسی ممکنہ سمجھوتے کی طرف۔
شدید معاشی ناکہ بندی اور فوجی دھمکیوں کے متوازی پاکستان اور خلیجی ممالک کی ثالثی سے واشنگٹن اور تہران کے درمیان خفیہ سیاسی ڈیل کی راہ کھلنے لگی ہے۔
اعلیٰ عسکری و حکومتی رابطوں کے ذریعے تہران کی شرائط واشنگٹن تک پہنچا کر دونوں دارالحکومتوں کے مابین براہِ راست سفارتی چینل بحال کر دیا گیا۔
مسقط نے کشیدگی کم کرنے کے لیے بارودی سرنگوں کی صفائی اور عارضی محفوظ بحری راہداری کے قیام پر تہران کے ساتھ تفصیلی لائحہ عمل تیار کیا۔
امریکی حکمت عملی اب روایتی سفارت کاروں سے آگے بڑھ کر پاسدارانِ انقلاب اور فیصلہ ساز طاقتور مراکز تک رسائی پر مرکوز ہو چکی ہے۔
اسرائیل کی جانب سے لبنان کے محاذ پر نئی اشتعال انگیزی یا سخت امریکی ثانوی پابندیاں اس نازک مذاکراتی عمل کو کسی بھی وقت پٹڑی سے اتار سکتی ہیں۔
حالیہ واقعات اس تجزیے کو مزید اہم بناتے ہیں۔ عمان نے ایران کے ساتھ آبنائے ہرمز میں عارضی بحری راہداری اور بارودی سرنگیں صاف کرنے کے انتظام پر بات کی ہے۔
دوسری طرف قطر نے بھی ایسے سفارتی اقدامات کی حمایت کی ہے جو محفوظ جہاز رانی سے آگے بڑھ کر جامع علاقائی معاہدے کی بنیاد بن سکیں۔
یعنی مذاکراتی میز پر صرف جنگ بندی نہیں، بلکہ اس بحران کے بڑے سیاسی حل کا سوال بھی موجود ہے۔
پاکستان اس بڑے کھیل میں اچانک کیوں اہم ہوگیا؟
سفارتی پل
پاکستان اس بڑے کھیل میں اچانک کیوں اہم ہوگیا؟
🕊️ اعلیٰ سطحی سیکیورٹی و سفارتی رابطے
فیلڈ مارشل عاصم منیر کے دورۂ تہران اور صدر ٹرمپ کے ساتھ رابطوں نے اسلام آباد کو واشنگٹن اور تہران کے مابین براہِ راست پیغامات کی ترسیل کا مرکزی اور قابلِ اعتماد چینل بنا دیا ہے۔
⛽ توانائی اور ہرمز کا براہِ راست مفاد
آبنائے ہرمز میں کسی بھی تصادم سے پاکستان کی تیل کی ترسیل اور خلیجی روزگار شدید خطرے میں پڑ سکتا ہے، اس لیے کشیدگی کا خاتمہ ملکی بقا کا تقاضا ہے۔
🤝 متوازن اور آزادانہ پوزیشن
ایران کا ہمسایہ ہونے اور امریکہ کے ساتھ عسکری و اقتصادی تعلقات کے باعث پاکستان دونوں فریقین کے لیے ایک غیر جانبدار ثالث کے طور پر ابھرا ہے۔
پاکستان اچانک مرکز میں کیسے آگیا؟
اس پوری تصویر میں پاکستان کا کردار خاص اہمیت اختیار کر گیا ہے، جس میں فیلڈ مارشل عاصم منیر کے دورۂ تہران سے پہلے امریکی صدر ڈونلڈ ٹرمپ سے ان کی گفتگو کی اطلاع سامنے آئی ہے۔
تہران میں ہونے والی ملاقاتوں کے بعد پاکستانی وزیر داخلہ محسن نقوی نے ’اہم پیش رفت‘ کی بات بھی کی۔
ایرانی حلقوں سے متضاد تفصیلات ضرور سامنے آئیں، لیکن بنیادی نکتہ مشترک رہا کہ پاکستان واشنگٹن اور تہران کے درمیان سیاسی راستہ دوبارہ کھولنے کی کوشش کر رہا ہے۔
پردے کے پیچھے کیا چل رہا ہے؟
خفیہ سفارت کاری
پردے کے پیچھے کیا چل رہا ہے؟
1۔ اصل فیصلہ ساز مراکز سے براہِ راست رابطہ
ٹرمپ انتظامیہ روایتی سفارت کاروں کو بائی پاس کر کے پاسدارانِ انقلاب (IRGC) اور زمینی طاقت رکھنے والے حقیقی ایرانی عسکری حلقوں تک رسائی کی کوشش کر رہی ہے۔
2۔ عمان میں بارودی سرنگوں کی صفائی پر بات چیت
مسقط کی میزبانی میں آبنائے ہرمز میں عارضی محفوظ بحری راہداری اور بارودی سرنگیں ہٹانے کے تکنیکی معاہدے پر مذاکرات جاری ہیں۔
3۔ قطر کا جامع علاقائی فریم ورک
دوحہ محض وقتی جنگ بندی کے بجائے اقتصادی پابندیوں اور سمندری تجارت کے پائیدار حل کے لیے ثالثی کی سہولت کاری کر رہا ہے۔
ایرانی مذاکراتی ٹیم کے ایک قریبی ذریعے نے کہا ہے کہ تہران نے اپنی شرائط پاکستانی وفد تک پہنچا دی ہیں تاکہ انہیں امریکہ تک پہنچایا جاسکے۔
پاکستان کے لیے یہ کردار محض سفارتی وقار کا معاملہ نہیں ہے، بلکہ آبنائے ہرمز میں بحران، تیل کی قیمتوں اور خلیجی معیشتوں میں بے یقینی کا براہ راست اثر پاکستان پر بھی پڑ سکتا ہے۔
📉
ایران پر معاشی شکنجہ کتنا سخت؟
◀
ایران پر معاشی شکنجہ کتنا سخت؟
🔒 ثانوی پابندیاں اور فنانشل ناکہ بندی
امریکہ نے ایران سے لین دین کرنے والے تیسرے ممالک کے بینکوں، شپنگ کمپنیوں اور فرنٹ فرمز کو ڈالر نیٹ ورک سے منقطع کرنے کی وارننگ دی ہے۔
⛽ ایندھن کی قلت اور کرنسی تنزلی
ایرانی ریال کی ریکارڈ گراوٹ اور پیٹرول پمپس پر قطاروں نے عوام کی قوتِ خرید کو نچوڑ کر رکھ دیا ہے، جس سے افراطِ زر کا شدید دباؤ ہے۔
معاشی حکمت عملی: واشنگٹن کا ہدف تہران کے تمام بیرونی ریونیو چینلز مسدود کرنا ہے تاکہ وہ مذاکرات کی میز پر سمجھوتے پر مجبور ہو سکے۔
ٹرمپ کی نئی حکمت عملی: اصل طاقت سے بات کرنا
اصل تجزیے کا سب سے دلچسپ استدلال یہ ہے کہ واشنگٹن روایتی سیاست دانوں اور سفارت کاروں کے بجائے ان لوگوں سے بات کرنے کی طرف بڑھ رہا ہے جن کے ہاتھ میں حقیقی طاقت اور جنگ و امن کا فیصلہ ہے۔
مبصرین حماس کے ساتھ امریکی رابطوں، حزب اللہ سے براہ راست بات چیت کے امکان اور انصار اللہ کے ساتھ عمان کی ثالثی میں ہونے والے انتظام کو اسی بڑی تصویر کا حصہ سمجھتے ہیں۔
اسی سلسلے میں پاسدارانِ انقلاب اور واشنگٹن کے درمیان مبینہ رابطوں کی اطلاعات کو بھی اہم قرار دیا گیا ہے۔
اگر یہ رجحان واقعی امریکی پالیسی بن چکا ہے تو ایران کے معاملے میں اس کا مطلب غیر معمولی ہوسکتا ہے۔ یعنی واشنگٹن شاید ایسے ایرانی طاقت کے مراکز تک پہنچنا چاہتا ہے جو کسی سمجھوتے پر صرف دستخط نہیں بلکہ اسے نافذ بھی کرا سکیں۔
آبنائے ہرمز بند ہوئی تو دنیا پر کیا گزرے گی؟
▼
آبنائے ہرمز بند ہوئی تو دنیا پر کیا گزرے گی؟
🛢️ 1۔ روزانہ 80 لاکھ بیرل تیل کی ترسیل معطل
دنیا کی سمندری تیل تجارت کا 20 فیصد بلاک ہونے سے خام تیل کی قیمتیں فوری طور پر 120 تا 150 ڈالر فی بیرل تک چھلانگ لگا سکتی ہیں۔
🚢 2۔ عالمی شپنگ اور انشورنس کا بحران
بحری جہازوں کے انشورنس پریمیم میں بے تحاشا اضافہ بین الاقوامی مال برداری اور صنعتی سپلائی چین کو بری طرح مفلوج کر دے گا۔
⚡ 3۔ ایشیا اور یورپ میں توانائی کا شدید جھٹکا
خلیجی ایل این جی اور تیل پر انحصار کرنے والے بڑے صنعتی ممالک میں ایندھن کی قلت اور بجلی کی ہوشربا مہنگائی جنم لے گی۔
پہلے ایران کو معاشی طور پر جھکانے کی کوشش
ایک اہم مسئلہ یہ ہے کہ سفارت کاری کے ساتھ امریکی اقتصادی شکنجہ بھی تیزی سے سخت ہو رہا ہے۔
واشنگٹن نے ایران سے کاروبار کرنے والے تیسرے ممالک کو ثانوی پابندیوں کا انتباہ بھی دیا ہے۔ نئی پابندیوں میں درجنوں افراد، اداروں اور جہازوں کو نشانہ بنایا گیا ہے، جبکہ ایران کے مالی، شپنگ اور تجارتی نیٹ ورکس پر دباؤ بڑھانے کی تیاری جاری ہے۔
اسرائیل ایک حرکت سے پوری بازی پلٹ سکتا ہے
وائلڈ کارڈ عنصر
اسرائیل ایک حرکت سے پوری بازی پلٹ سکتا ہے
لبنان محاذ کا کھلنا
امریکہ ایران ممکنہ ڈیل ناکام بنانے کے لیے اسرائیل حزب اللہ کے خلاف وسیع عسکری مہم شروع کر سکتا ہے۔
ٹارگٹڈ کارروائیاں
ایران کے اندر انٹیلی جنس بیسڈ حملے یا اہم کمانڈرز کو نشانہ بنا کر تہران کو براہِ راست جوابی کارروائی پر اکسانا۔
سفارتی عمل کا خاتمہ
کسی بھی بڑے حملے کے بعد واشنگٹن پر سفارت کاری چھوڑ کر تل ابیب کا مکمل دفاع کرنے کا دباؤ بڑھ جائے گا۔
ایرانی عوام پہلے ہی مہنگائی، کرنسی کی گرتی قدر اور قوتِ خرید میں شدید کمی کا سامنا کر رہے ہیں۔
تازہ رپورٹس میں پیٹرول کی قلت اور اسٹیشنوں پر قطاروں کا بھی ذکر ہے، تاہم ابھی ایسے وسیع احتجاج کے آثار سامنے نہیں آئے جو حکومت کے لیے فوری خطرہ بن جائیں۔
اس کہانی کی تازہ صورت حال ایک دوسرے بڑے منظرنامے کو بھی جنم دیتی ہے۔
کیا ایران کے اندر نیا بحران پھوٹ سکتا ہے؟
داخلی استحکام
کیا ایران کے اندر نیا بحران پھوٹ سکتا ہے؟
مہنگائی اور قطاریں
پیٹرول کی قلت اور روزمرہ اشیاء کی قیمتوں میں تیز رفتار اضافہ۔
باسیج و پاسداران
داخلی خطرات اور بدامنی روکنے کے لیے پیشگی حفاظتی اقدامات۔
نظام کی بقا
شدید دباؤ کے باوجود فوری اندرونی انہدام کا امکان انتہائی کم۔
پہلا بڑا موڑ: اچانک تاریخی معاہدہ
سب سے حیران کن امکان یہ ہے کہ جنگی شور کے درمیان واشنگٹن اور تہران اچانک ایک بڑی ڈیل کرلیں۔
اس تصور کو مکمل خیالی بھی نہیں کہا جاسکتا۔ ایران کے صدر مسعود پزشکیان جون میں طے پانے والی مفاہمت کو ’نہ جنگ، نہ امن‘ کی کیفیت سے نکلنے کا بہترین راستہ قرار دے چکے ہیں۔
دوسری جانب عمان بھی آبنائے ہرمز کے لیے قابلِ عمل انتظام تلاش کر رہا ہے۔
ایسی کسی ڈیل میں صرف جوہری پروگرام نہیں بلکہ پابندیاں، آبنائے ہرمز، سمندری تجارت اور علاقائی سلامتی جیسے معاملات ایک بڑے پیکیج کا حصہ بن سکتے ہیں۔
اس وقت یہی وہ ’بڑی سیاسی حیرت‘ ہے جسے مکمل طور پر خارج از امکان قرار نہیں دیا جا سکتا۔
دوسرا موڑ: اسرائیل لبنان سے کھیل پلٹ دے
مبصرین کے مطابق سفارت کاری سیدھی لکیر میں نہیں چلتی۔ یہی وجہ ہے کہ تجزیہ کار اسرائیل کو پہلا ’وائلڈ کارڈ‘‘قرار دے رہے ہیں۔
یعنی اگر تل ابیب محسوس کرے کہ واشنگٹن اور تہران کسی سمجھوتے کی طرف بڑھ رہے ہیں جو اسرائیلی مفادات سے متصادم ہے تو وہ براہ راست ایران پر حملہ کرنے کے بجائے لبنان کو نئی جنگ کا میدان بنا سکتا ہے۔
یہی وجہ ہے کہ حزب اللہ کو جنگ میں کھینچنا ایران کو بھی دوبارہ میدان میں لا سکتا ہے۔ ایران کے اندر کسی بڑی انٹیلی جنس یا ٹارگٹڈ کارروائی کا نتیجہ بھی یہی نکل سکتا ہے۔
اس طرح ایک جارحیت پوری مذاکراتی عمارت اور طویل کوششوں کو چند گھنٹوں میں زمیں بوس کر سکتا ہے۔
تیسرا موڑ: ایران کے اندر غصہ پھٹ پڑے
تجزیہ کار اس صورت حال کا تیسرا امکان ایران کے اندر سے نکلتا دیکھ رہے ہیں۔
ایران پر معاشی دباؤ حقیقی ہے۔ ایرانیوں کے لیے روزمرہ اشیا خریدنا مشکل ہو رہا ہے اور سخت پابندیاں ایرانی معیشت کو مزید محدود کر رہی ہیں۔
واشنگٹن کا اگلا ہدف صرف ایران نہیں بلکہ وہ ممالک اور کاروباری نیٹ ورکس بھی ہیں جو تہران کو عالمی تجارت سے جوڑے رکھنے میں معاون سمجھے جاتے ہیں۔
ان حالات میں بہرحال، ایرانی حکومت کے فوری انہدام کی پیش گوئی ابھی قبل از وقت ہوگی۔
مبصرین کے مطابق ایرانی نظام شدید فوجی و سیاسی صدمات کے باوجود برقرار رہا، باسیج دوبارہ منظم ہوئی اور پاسدارانِ انقلاب نے ممکنہ داخلی خطرات کے خلاف پیشگی اقدامات کیے۔ اسی لیے بڑے عوامی دھماکے کا امکان کم ضرور ہے، مگر صفر بھی نہیں۔
اصل جنگ بندوق اور مذاکرات کے درمیان ہے
تجزیہ کاروں کے مطابق اگلے مرحلے کی سب سے اہم حقیقت یہی ہے کہ امریکہ اور ایران ایک دوسرے کو بیک وقت 2 پیغامات دے رہے ہیں کہ ہم لڑ سکتے ہیں، لیکن بات بھی کرسکتے ہیں۔
واشنگٹن چاہتا ہے کہ اقتصادی دباؤ تہران کو جھکنے پر مجبور کرے، جبکہ ایران آبنائے ہرمز اور اپنی علاقائی طاقت کو سودے بازی کے ہتھیار کے طور پر استعمال کر رہا ہے۔
اس منظر نامے میں اصل مسئلہ یہ ہے کہ دونوں میں سے کوئی بھی کمزور دکھائی دینا نہیں چاہتا۔
ماہرین کا کہنا ہے کہ ممکن ہے اگلی بڑی خبر کسی نئے حملے کی ہو، لیکن یہ بھی عین ممکن ہے کہ مہینوں سے جنگ کے نقارے سنتی دنیا ایک صبح جاگے اور واشنگٹن اور تہران کسی ایسی میز پر بیٹھے ہوں جہاں پورے مشرقِ وسطیٰ کا نقشہ بدل دینے والی ڈیل زیرِ بحث ہو۔
شاید اسی غیر یقینی میں اس بحران کی اصل کہانی چھپی ہوئی ہے۔
اصل ذرائع ORIGINAL SOURCES امریکہ، ایران، پاکستان، آبنائے ہرمز اور علاقائی کشیدگی سے متعلق بنیادی اور معتبر حوالہ جات 6 معتبر ذرائع
الجزیرہ — واشنگٹن اور تہران، تین حیران کن ممکنہ منظرنامے
عریب الرنتاوی کا وہ بنیادی تجزیاتی مضمون جس میں امریکہ ایران کشمکش، ممکنہ بڑی ڈیل، اسرائیلی مداخلت اور ایران کے اندر عوامی بے چینی کے تین اہم منظرنامے بیان کیے گئے ہیں۔
📖 اصل تجزیاتی مضمون
اصل مضمون کھولیں ↗
روئٹرز — پاکستان اور ایران مذاکرات میں اہم پیش رفت
فیلڈ مارشل عاصم منیر کے دورۂ تہران، ایرانی قیادت سے ملاقاتوں، محسن نقوی کے بیان اور امریکہ ایران تنازع کم کرنے کے لیے پاکستان کی ثالثی پر تفصیلی رپورٹ۔
پاکستان کی سفارتی کوشش
رپورٹ کھولیں ↗
روئٹرز — تہران جانے سے پہلے عاصم منیر کی ٹرمپ سے گفتگو
پاکستانی ذرائع کے حوالے سے رپورٹ کہ عاصم منیر نے تہران کے دورے سے چند روز پہلے امریکی صدر ڈونلڈ ٹرمپ سے گفتگو کی، جب واشنگٹن ایران پر مزید اقتصادی دباؤ کی تیاری کر رہا تھا۔
☎️ واشنگٹن–اسلام آباد رابطہ
رپورٹ کھولیں ↗
روئٹرز — ایران اور عمان میں آبنائے ہرمز پر پیش رفت
ایران اور عمان کے درمیان ہرمز میں جہاز رانی، عارضی بحری راستے، بارودی سرنگیں صاف کرنے اور عالمی توانائی کی اہم گزرگاہ کے مستقبل سے متعلق مذاکرات کی تفصیلات۔
ہرمز مذاکرات
رپورٹ کھولیں ↗
روئٹرز — نئی امریکی پابندیوں پر ایران کا سخت ردعمل
امریکہ کی جانب سے ایران سے منسلک افراد، اداروں اور جہازوں پر نئی پابندیوں، تہران کے ردعمل اور ایران کو عالمی مالیاتی نظام سے مزید الگ کرنے کی امریکی حکمت عملی پر رپورٹ۔
اقتصادی دباؤ
رپورٹ کھولیں ↗
ایسوسی ایٹڈ پریس — ایران میں معاشی دباؤ اور ایندھن کا بحران
امریکی پابندیوں، ایرانی کرنسی کی گراوٹ، مہنگائی، ایندھن کی قلت اور عوام کی قوتِ خرید پر بڑھتے دباؤ کے باوجود حکومت کے مزاحمتی مؤقف سے متعلق زمینی رپورٹ۔
📉 ایران کی اندرونی معاشی صورتِ حال
رپورٹ کھولیں ↗