امریکی سیاست میں ایک خاموش تبدیلی اتنی نمایاں ہوچکی ہے کہ اسے محض چند مسلم امیدواروں کی انفرادی کامیابی کہہ کر نظرانداز کرنا مشکل ہے۔
مزید پڑھیں
کبھی انتخابی سیاست سے دور مسلم برادری آج سٹی کونسل، اسکول بورڈ، ریاستی اسمبلی اور کانگریس تک اپنی موجودگی درج کرا رہی ہے۔
اس تبدیلی کی تازہ علامت افغان نژاد عائشہ وہاب ہیں، جنہوں نے کیلیفورنیا کے 14ویں کانگریشنل ڈسٹرکٹ کے خصوصی انتخاب میں میلیسا ہرنینڈیز کو شکست دی اور وہ امریکی کانگریس پہنچنے والی پہلی افغان نژاد امریکی بن گئی ہیں۔
مسلم ووٹ امریکا میں کتنی بڑی طاقت بن چکا؟
+
مسلم ووٹ امریکا میں کتنی بڑی طاقت بن چکا؟
امریکی مسلمان مجموعی آبادی کا چھوٹا حصہ ہونے کے باوجود انتخابی سیاست میں ایک منظم اور فیصلہ کن سیاسی قوت بن کر ابھرے ہیں۔ ان کی اصل طاقت محض تعداد نہیں بلکہ اہم ریاستوں میں جغرافیائی ارتکاز اور فعال سیاسی شرکت ہے۔
سوئنگ اسٹیٹس میں فیصلہ کن پوزیشن
مشی گن، پنسلوانیا، نیو جرسی اور جارجیا جیسی کانٹے دار مقابلوں والی ریاستوں میں چند ہزار مسلم ووٹرز پورے الیکشن کا پانسہ پلٹنے کی صلاحیت رکھتے ہیں۔
255 منتخب عوامی نمائندے
امریکی تاریخ میں پہلی بار 26 ریاستوں میں سٹی کونسلز سے لے کر کانگریس اور میئر کے عہدوں تک ڈھائی سو سے زائد مسلم نمائندے پالیسی سازی کا حصہ بن چکے ہیں۔
خارجہ پالیسی پر آزادانہ مؤقف
مسلم ووٹرز نے کسی ایک پارٹی کا روایتی ووٹ بینک بننے کے بجائے مشرق وسطیٰ اور شہری حقوق کے معاملات پر آزادانہ سیاسی فیصلہ سازی کا مظاہرہ کیا ہے۔
ترقی پسند اور مقامی اتحاد
دیگر اقلیتوں، شہری حقوق کی تحریکوں اور لیبر یونینز کے ساتھ اشتراک نے مسلم کمیونٹی کو قومی سیاسی دھارے کا مرکزی اسٹیک ہولڈر بنا دیا ہے۔
یہ کامیابی صرف شناخت کی سیاست کا قصہ نہیں۔ اس کے پیچھے امریکی مسلمانوں کی کئی دہائیوں پر پھیلی سماجی تبدیلی، نئی نسل کی سیاسی تربیت، مقامی سطح پر تنظیم سازی، شہری حقوق کی جدوجہد اور امریکی خارجہ پالیسی سے بڑھتی ہوئی بے چینی موجود ہے۔
عائشہ وہاب کی جیت میں چھپا بڑا پیغام
عائشہ وہاب کی کامیابی اس لیے بھی دلچسپ ہے کہ مقابلہ صرف 2 ڈیموکریٹس کے درمیان نہیں تھا، بلکہ پارٹی کے ترقی پسند اور نسبتاً معتدل حلقوں کی کشمکش بھی اس کے پس منظر میں موجود تھی۔
امریکی مسلمان اسکول بورڈز اور سٹی کونسلز کے ذریعے نچلی سطح پر مضبوط نیٹ ورک قائم کر کے قومی اور ریاستی سیاست میں بااثر قوت بن چکے ہیں۔
امریکا بھر میں 98 کونسل ارکان، 63 تعلیمی عہدیدار، 46 ریاستی قانون ساز اور 4 ارکان کانگریس خدمات انجام دے رہے ہیں۔
مجموعی منتخب مسلم عہدیداروں میں خواتین کا تناسب 43 فیصد سے زیادہ ہے جو سماجی و سیاسی تبدیلی کا واضح ثبوت ہے۔
عائشہ وہاب نے بھاری فنڈنگ کی حامل مخالف مہم کے باوجود کیلیفورنیا سے جیت کر کانگریس میں نئی تاریخ رقم کی۔
تقریباً دو تہائی نمائندگی اسکول بورڈز اور مقامی اداروں پر مشتمل ہے جو قومی سیاست کی مضبوط بنیاد فراہم کرتی ہے۔
رائٹرز کے مطابق ووٹوں کی گنتی کے ایک بڑے حصے تک عائشہ وہاب تقریباً 53 فیصد ووٹ لے رہی تھیں۔
اُن کی حریف کو اسرائیل نواز سپر پی اے سی United Democracy Project کی جانب سے تقریباً 25 لاکھ ڈالر کی حمایت بھی ملی۔ اس کے باوجود وہ کامیاب رہیں۔
یہ مقابلہ اس بڑے سوال کو بھی سامنے لایا ہے کہ غزہ، اسرائیل اور امریکی خارجہ پالیسی اب مسلم اور عرب نژاد امریکی ووٹرز کے لیے کس حد تک انتخابی مسئلہ بن چکے ہیں۔
2024 کے صدارتی انتخاب کے دوران مشی گن کے عرب امریکی ووٹرز میں غزہ کے معاملے پر ڈیموکریٹک پارٹی سے ناراضی کھل کر سامنے آچکی تھی۔
کانگریس تک پہنچنے کا راستہ کہاں سے کھلا؟
▼
کانگریس تک پہنچنے کا راستہ کہاں سے کھلا؟
🏫 1۔ اسکول بورڈز اور لوکل کونسلز سے آغاز
مسلم قیادت نے براہِ راست واشنگٹن پر نظریں جمانے کے بجائے ٹاؤن کونسلز، تعلیمی بورڈز اور بلدیاتی اداروں میں کام کر کے عوامی اعتماد حاصل کیا۔
🏛️ 2۔ 2006ء میں کیتھ ایلیسن کی تاریخی فتح
مینی سوٹا سے کیتھ ایلیسن کی ایوانِ نمائندگان میں کامیابی نے وہ نفسیاتی رکاوٹ توڑی جس نے بعد میں آنے والے امیدواروں کے لیے راہیں ہموار کیں۔
🌟 3۔ الہان عمر، رشیدہ طلیب اور عائشہ وہاب کی لہر
ریاستی اسمبلیوں سے ابھرنے والی باصلاحیت مسلم خواتین نے پالیسی بحث، ووٹر موبلائزیشن اور فنڈ ریزنگ کے نئے ریکارڈ قائم کیے۔
چند چہرے نہیں، ایک پورا سیاسی نیٹ ورک
امریکی مسلمانوں کی سیاسی پیش رفت کو صرف کانگریس کے چند مشہور ناموں سے ناپنا تصویر کا چھوٹا حصہ دکھاتا ہے۔
CAIR اور CAIR Action کی تازہ 2026 ڈائریکٹری کے مطابق امریکا کی 26 ریاستوں میں 255 مسلم منتخب عہدیدار خدمات انجام دے رہے ہیں۔
ان میں 98 سٹی یا مقامی کونسل ارکان، 63 تعلیمی عہدیدار، 46 ریاستی قانون ساز، 11 میئر، 18 منتخب جج اور کانگریس کے 4 ارکان شامل ہیں۔
وہ 7 عوامل جنہوں نے مسلم سیاست بدل دی
7 اہم محرکات
وہ 7 عوامل جنہوں نے مسلم سیاست بدل دی
1۔ 11 ستمبر کے بعد شہری حقوق کا شعور
مسلسل نگرانی، امتیازی سلوک اور تحفظ کے چیلنجز نے مسلمانوں کو یہ باور کرایا کہ سیاست سے لاتعلقی کے بجائے سیاسی شرکت ہی حقوق کی اصل ضمانت ہے۔
2۔ تعلیم یافتہ نئی نسل کا عروج
امریکہ میں پیدا ہونے والی باصلاحیت نسل نے قانون، پالیسی اور میڈیا کے شعبوں میں مہارت حاصل کر کے قیادت سنبھالی۔
3۔ مقامی سطح پر تنظیم سازی
کیئر (CAIR) اور مسلم ایڈوکیسی گروپس نے ووٹر رجسٹریشن اور کمپین مینجمنٹ کو سائنسی بنیادوں پر استوار کیا۔
4۔ خواتین کی قائدانہ شمولیت
43 فیصد سے زیادہ منتخب عہدوں پر باحجاب اور جدید مسلم خواتین کی کامیابی نے قدامت پسندانہ تاثرات کو یکسر زائل کیا۔
5۔ بلدیاتی اداروں میں بنیاد
اسکول بورڈز اور سٹی کونسلز سے سیاسی سفر شروع کرنے سے گراس روٹ لیول پر گہرا عوامی اثر قائم ہوا۔
6۔ خارجہ پالیسی اور غزہ کا بحران
مشرق وسطیٰ کے تنازعات نے ووٹرز کو غیر مشروط پارٹی وفاداریوں سے نکال کر اصولی ووٹنگ کی طرف راغب کیا۔
7۔ دیگر اقلیتوں سے اتحاد
افریقی، ہسپانوی اور ترقی پسند امریکی تنظیموں کے ساتھ مشترکہ عوامی پلیٹ فارمز پر جدوجہد نے اثر کو وسیع کیا۔
مزید دلچسپ بات یہ ہے کہ ان 255 منتخب مسلم عہدیداروں میں 110 خواتین ہیں۔ یعنی مجموعی تعداد کا 43 فیصد سے زیادہ حصہ خواتین پر مشتمل ہے۔
یہ اعداد ایک اہم بات سمجھاتے ہیں کہ مسلم سیاسی اثر کا اصل ڈھانچہ واشنگٹن میں نہیں، بلکہ نیچے سے اوپر بنا ہے۔
واشنگٹن نہیں، اسکول بورڈ سے شروع ہونے والا سفر
امریکی سیاست میں طاقت صرف وائٹ ہاؤس اور کانگریس کا نام نہیں ہے، بلکہ مقامی کونسل، اسکول بورڈ، میئر، جج اور ریاستی اسمبلی وہ جگہیں ہیں جہاں سیاسی کارکن اپنی شناخت، نیٹ ورک اور ووٹر بیس بناتے ہیں۔
255 مسلم عہدیدار: امریکی سیاست کا نیا نقشہ
2026 ڈائریکٹری
255 مسلم عہدیدار: امریکی سیاست کا نیا نقشہ
سٹی و لوکل کونسلرز
شہری انتظام اور مقامی ٹیکس پالیسیوں میں اثرورسوخ۔
تعلیمی بورڈ آفیشلز
اسکول نصاب اور ضلعی تعلیمی فیصلوں پر کنٹرول۔
اسٹیٹ اسمبلی ممبران
ریاستی قوانین اور فنڈز کی تقسیم میں براہِ راست شرکت۔
امریکی مسلمانوں نے بھی بڑی حد تک یہی راستہ اختیار کیا ہے، کیونکہ گزشتہ دہائیوں کا ایک اہم سبق یہی تھا کہ سیاسی اثرورسوخ کے لیے سفر واشنگٹن سے شروع کرنا ضروری نہیں، بلکہ مقامی ادارے بھی قومی سیاست تک پہنچنے کی سیڑھی بن سکتے ہیں۔
تازہ اعداد بھی اس تجزیے کی تائید کرتے ہیں۔ 2026 کی مسلم منتخب نمائندوں کی ڈائریکٹری میں تقریباً دو تہائی افراد مقامی کونسلوں یا تعلیم سے متعلق عہدوں پر ہیں۔
🛡️
11 ستمبر کے بعد مسلم سیاست کیسے بدل گئی؟
◀
11 ستمبر کے بعد مسلم سیاست کیسے بدل گئی؟
🔒 تنہائی سے سرگرمی کی طرف منتقلی
نائن الیون سے قبل اکثر مسلم تارکینِ وطن سیاست سے دور رہنے کو عافیت سمجھتے تھے۔ حملوں کے بعد امیگریشن سختیوں اور نگرانی نے دفاع کے لیے سیاست کو ناگزیر بنا دیا۔
⚖️ قانونی اور شہری حقوق کی مہمات
اسلاموفوبیا کا مقابلہ کرنے کے لیے مساجد اور کمیونٹی سینٹرز ووٹر رجسٹریشن ہبز میں تبدیل ہوئے، اور نوجوانوں کو وکالت و صحافت میں آگے بڑھایا گیا۔
تاریخی موڑ: عدم تحفظ کے احساس نے مسلم برادری کے اندر ایک مستقل سیاسی ڈھانچہ کھڑا کیا، جس نے انہیں محض ایک خاموش اقلیت سے بااثر ووٹر گروپ میں بدل دیا۔
کیتھ ایلیسن نے جو دروازہ کھولا
اس سفر میں 2006 ایک تاریخی موڑ تھا، جب مینی سوٹا سے کیتھ ایلیسن امریکی کانگریس کے لیے منتخب ہونے والے پہلے مسلمان بنے۔
ان کی کامیابی نے ایک نفسیاتی رکاوٹ توڑی۔ پہلی بار یہ تصور عملی حقیقت بنا کہ ایک کھلے مسلم تشخص رکھنے والا امیدوار قومی سطح کے امریکی سیاسی ادارے تک پہنچ سکتا ہے۔
بعد میں آندرے کارسن، الہان عمر، رشیدہ طلیب اور لطیفہ سائمن جیسے نام سامنے آئے۔ 2024 کے انتخابات کے بعد امریکی ایوان نمائندگان میں 4 مسلمان ارکان موجود تھے۔
غزہ فیکٹر: مسلم ووٹر اب کس طرف جائے گا؟
خارجہ پالیسی کا اثر
غزہ فیکٹر: مسلم ووٹر اب کس طرف جائے گا؟
🕊️ غیر مشروط پارٹی وابستگی کا خاتمہ
غزہ بحران اور امریکی انتظامیہ کی یکطرفہ پالیسیوں نے روایتی طور پر ڈیموکریٹس کو ووٹ دینے والے عرب اور مسلم ووٹرز کو شدید مایوس کیا، جس کے بعد وہ آزاد امیدواروں یا تیسرے آپشنز کی طرف مائل ہوئے ہیں۔
🎯 پالیسی پر مبنی ووٹنگ
امیدوار کی پارٹی کے بجائے یہ دیکھا جانے لگا ہے کہ وہ جنگ بندی، انسانی حقوق اور فوجی امداد کے مشروط استعمال پر کیا مؤقف رکھتا ہے۔
🤝 متبادل سیاسی دباؤ کے طریقے
ووٹرز انتخابی بائیکاٹ، تھرڈ پارٹی ووٹ یا مہماتی فنڈز روک کر واشنگٹن کی مرکزی قیادت پر دباؤ ڈالنے کی حکمت عملی اپنا رہے ہیں۔
پھر 2025 میں مسلم سیاسی نمائندگی نے ایک اور علامتی چھلانگ لگائی۔ CAIR کے مطابق اس سال ملک بھر میں کم از کم 76 مسلم امیدوار انتخابی میدان میں اترے اور 38 کامیاب ہوئے۔ انہی انتخابات میں ظہران ممدانی نیویارک سٹی کے پہلے مسلم میئر بنے۔
11 ستمبر نے سیاست سے دُوری کا تصور بدل دیا
امریکی مسلمانوں کی سیاسی کہانی صرف کامیابیوں کی داستان نہیں ہے، بلکہ اس کے پیچھے مسلسل دباؤ اور عدم تحفظ کا ایک طویل دور بھی موجود ہے۔
تعداد کم، اثر زیادہ: مسلم ووٹ کا اصل راز
اسٹریٹجک تجزیہ
تعداد کم، اثر زیادہ: مسلم ووٹ کا اصل راز
کلیدی اضلاع میں ارتکاز
ڈیئربورن، فلادلفیا اور پامر جیسے اضلاع میں مسلمانوں کا گہرا تناسب مقامی ووٹر ٹرن آؤٹ کو یکطرفہ کر دیتا ہے۔
منظم مہماتی مشینری
گھر گھر انتخابی مہم، ڈیجیٹل کوریج اور مساجد کے پلیٹ فارم سے چند گھنٹوں میں ہزاروں ووٹرز کو پولنگ اسٹیشن لانے کی صلاحیت۔
حریفوں کے لیے خطرہ
کسی ایک جماعت کی اجارہ داری ختم ہونے سے دونوں مرکزی سیاسی جماعتیں اب مسلم ووٹ کو راغب کرنے کے لیے خصوصی کوششوں پر مجبور ہیں۔
11 ستمبر 2001 کے حملوں کے بعد مسلمانوں کو نگرانی، شک، امتیازی رویوں اور اسلام مخالف بیانیے کا سامنا کرنا پڑا۔ اس ماحول نے برادری کے ایک حصے میں یہ سوچ تبدیل کردی کہ سیاست سے دور رہنا تحفظ کی ضمانت ہے۔
اس طرح ووٹر رجسٹریشن، شہری حقوق کی تنظیموں، انتخابی مہمات اور سیاسی اداروں میں شرکت بڑھنے لگی۔ سیاست رفتہ رفتہ محض دلچسپی نہیں بلکہ اپنے شہری حقوق کے دفاع کا ذریعہ بن گئی۔
غزہ نے مسلم ووٹ کی ترجیحات پھر بدل دیں
آج امریکہ میں پنپنے والے اس سیاسی شعور کا ایک نیا امتحان غزہ ہے۔
عرب اور مسلم امریکیوں کے لیے مشرق وسطیٰ ہمیشہ کسی نہ کسی درجے میں اہم رہا ہے، مگر غزہ جنگ نے امریکی خارجہ پالیسی کو زیادہ ذاتی سیاسی مسئلہ بنا دیا۔
🧕
مسلم خواتین امریکی سیاست میں کہاں تک پہنچیں؟
+
مسلم خواتین امریکی سیاست میں کہاں تک پہنچیں؟
امریکی مسلم سیاسی انقلاب کا سب سے روشن پہلو خواتین کی قیادت ہے۔ 255 منتخب مسلم عہدیداروں میں سے 110 خواتین ہیں، جو کل نمائندگی کا 43 فیصد سے زیادہ بنتا ہے۔
کانگریس کے ایوانوں میں نمایاں نام
الہان عمر، رشیدہ طلیب، لطیفہ سائمن اور اب کیلیفورنیا سے عائشہ وہاب نے کیپیٹل ہل میں قانون سازی اور مناظروں کا رخ بدلا ہے۔
بھاری فنڈنگ کے حریفوں کو شکست
عائشہ وہاب نے 25 لاکھ ڈالر کی اسرائیل نواز سپر پی اے سی فنڈنگ کی حامل امیدوار کو شکست دے کر ثابت کیا کہ گراس روٹ سپورٹ پیسوں سے زیادہ طاقتور ہے۔
ایسے خاندان جن کے رشتے دار فلسطین، لبنان یا خطے کے دوسرے ممالک میں ہیں، ان کے لیے واشنگٹن کے فیصلے محض خارجہ پالیسی نہیں رہتے۔
2024 میں مشی گن کے شہر ڈیئربورن میں یہی ناراضی واضح طور پر نظر آئی۔
کئی عرب امریکی ووٹر ڈیموکریٹس کی اسرائیل پالیسی سے ناخوش تھے، مگر دوسری طرف ڈونلڈ ٹرمپ کی واپسی سے متعلق خدشات بھی موجود تھے۔
یہی وجہ ہے کہ مسلم ووٹ کو اب مستقل طور پر کسی ایک جماعت کی ملکیت سمجھنا مشکل ہوتا جارہا ہے۔
🔭
آگے کیا ہوگا؟ امریکی مسلم سیاست کا اگلا مرحلہ
◀
آگے کیا ہوگا؟ امریکی مسلم سیاست کا اگلا مرحلہ
مذہبی شناخت سے جامع پالیسی سازی تک
اگلا چیلنج محض مسلم مسائل تک محدود رہنے کے بجائے معیشت، صحت، ہاؤسنگ اور ٹیکس اصلاحات جیسے عام امریکی ووٹر کے مسائل کی مستند قیادت کرنا ہے۔
🗳️ سینیٹ اور گورنر ہاؤسز پر نظریں
لوکل کونسلز اور ایوانِ نمائندگان میں جگہ بنانے کے بعد مسلم قیادت کی اگلی منزل امریکی سینیٹ اور ریاستی گورنر شپ کے اعلیٰ عہدے ہوں گے۔
حتمی تجزیہ: امریکی سیاست میں اب مسلم نمائندگی ایک عارضی رجحان نہیں بلکہ ایک مستقل اور ادارہ جاتی حقیقت بن چکی ہے جسے نظر انداز کرنا کسی بھی سیاسی جماعت کے لیے ممکن نہیں رہا۔
اصل طاقت تعداد نہیں، تنظیم ہے
امریکی مسلمانوں کی آبادی ملک کی مجموعی آبادی کے مقابلے میں اب بھی محدود ہے۔ اس لیے یہ تصور درست نہیں کہ مسلمان امریکی انتخابات پر قومی سطح پر حاوی ہونے کی پوزیشن میں پہنچ چکے ہیں۔
ان کی سیاسی اہمیت کا راز کہیں اور ہے۔ مشی گن، نیو جرسی، کیلیفورنیا، مینی سوٹا اور بعض دوسرے علاقوں میں مسلم آبادی جغرافیائی طور پر مرتکز ہے۔
سخت مقابلے والے انتخابات میں نسبتاً چھوٹا مگر منظم ووٹر گروپ بھی فیصلہ کن ہوسکتا ہے۔ یعنی تعداد کے ساتھ تنظیم، سرگرمی اور دوسری برادریوں سے اتحاد زیادہ اہم ہوسکتے ہیں۔
یہی اتحاد امریکی مسلم سیاست کی اگلی منزل بھی ہے۔ شہری حقوق، امیگریشن، معاشی انصاف، مذہبی آزادی اور خارجہ پالیسی جیسے معاملات پر دوسرے گروہوں کے ساتھ شراکت انہیں صرف ایک مذہبی ووٹ بینک کے بجائے بڑے سیاسی اتحاد کا حصہ بنا سکتی ہے۔
اصل امتحان اب شروع ہوتا ہے
امریکی مسلمانوں کی سیاسی کہانی کو نہ تو اقتدار پر قبضے کی داستان سمجھنا درست ہے اور نہ اسے چند تاریخی فتوحات تک محدود کرنا ٹھیک ہوگا۔
255 منتخب مسلم عہدیداروں کا تازہ ریکارڈ بتاتا ہے کہ ایک ایسی برادری، جو کبھی امریکی سیاسی نظام کے حاشیے پر دکھائی دیتی تھی، اب اسی نظام کے اندر جگہ بنانے کے طریقے سیکھ چکی ہے۔
لیکن اصل امتحان انتخاب جیتنے کے بعد شروع ہوتا ہے۔ سوال یہ ہے کہ کیا یہ نئی مسلم سیاسی نسل مذہبی شناخت سے آگے بڑھ کر عام امریکی ووٹر کے روزمرہ مسائل کی قابل اعتماد نمائندہ بن سکے گی؟
اگر ایسا ہوا تو عائشہ وہاب، رشیدہ طلیب، الہان عمر یا ظہران ممدانی کی کامیابیاں محض چند تاریخی نام نہیں رہیں گی۔ وہ امریکی سیاست میں ایک زیادہ گہری تبدیلی کے ابتدائی ابواب ثابت ہوسکتی ہیں۔
اصل ذرائع ORIGINAL SOURCES امریکی مسلمانوں کے سیاسی عروج، عائشہ وہاب کی تاریخی کامیابی اور مسلم منتخب نمائندوں کے تازہ اعداد کے بنیادی حوالہ جات 5 معتبر ذرائع
الجزیرہ — امریکی مسلمان فیصلہ سازی کے مراکز تک کیسے پہنچے؟
ظہران ممدانی، عبدول السید اور دیگر مسلم سیاست دانوں کے عروج، مسلم ووٹرز کی سیاسی تقسیم اور مذہبی شناخت سے آگے وسیع انتخابی اتحاد بنانے کی حکمت عملی کا تفصیلی جائزہ۔ 🏛️
سیاسی پس منظر
اصل رپورٹ کھولیں ↗
الجزیرہ — مسلمان امریکی انتخابات کیوں جیتنے لگے؟
عبدول السید، ظہران ممدانی، رشیدہ طلیب اور الہان عمر سمیت نئی مسلم سیاسی نسل، 11 ستمبر کے بعد کی تبدیلی اور عام امریکی مسائل کو انتخابی پروگرام بنانے کے رجحان پر تفصیلی تجزیہ۔ 🚀
تفصیلی تجزیہ
اصل تجزیہ کھولیں ↗
عائشہ وہاب کی تاریخی انتخابی کامیابی
روئٹرز — عائشہ وہاب امریکی ایوان نمائندگان پہنچ گئیں
کیلیفورنیا کے خصوصی انتخاب میں افغان نژاد عائشہ وہاب کی کامیابی، 53 فیصد سے زیادہ ووٹ، میلیسا ہرنینڈیز سے مقابلہ اور اسرائیل نواز سپر پی اے سی کی تقریباً 25 لاکھ ڈالر انتخابی مداخلت کی تفصیلات۔ 🗳️
بنیادی بین الاقوامی رپورٹ
اصل رپورٹ کھولیں ↗
ایسوسی ایٹڈ پریس — پہلی افغان نژاد امریکی رکن کانگریس
عائشہ وہاب کی تاریخی فتح، کیلیفورنیا کے 14ویں کانگریشنل ڈسٹرکٹ کی انتخابی صورت حال اور امریکی کانگریس پہنچنے والی پہلی افغان نژاد امریکی بننے کی تصدیق۔ 🇺🇸
انتخابی تصدیق
اصل رپورٹ کھولیں ↗
CAIR — امریکا میں ریکارڈ 255 مسلم منتخب عہدیدار
2026 کی قومی ڈائریکٹری کے مطابق 26 ریاستوں میں 255 مسلم منتخب عہدیدار خدمات انجام دے رہے ہیں؛ ان میں 98 کونسل ممبران، 63 تعلیمی عہدیدار، 46 ریاستی قانون ساز، 11 میئر، 18 جج اور چار ارکان کانگریس شامل ہیں۔ 📈
تازہ سرکاری ڈائریکٹری
اصل ڈیٹا کھولیں ↗