سعودی محکمہ شماریات کے مطابق 2026 کی پہلی سہ ماہی میں مملکت کے سیاحتی شعبے نے نمایاں ترقی کی۔ لائسنس یافتہ سیاحتی رہائشی مراکز کی تعداد میں 22.7 فیصد اضافہ ہوا، جبکہ سیاحتی اداروں اور اس شعبے میں ملازمتوں کی تعداد بھی مسلسل بڑھی۔
دوسری جانب ہوٹلوں کے کمروں کے کرائے اور اوسط قبضے Occupancy کی شرح میں معمولی کمی ریکارڈ کی گئی۔
سعودی محکمہ شماریات نے 2026 کی پہلی سہ ماہی کے سیاحتی شعبے کے اعداد و شمار جاری کر دیے، جن کے مطابق مملکت میں لائسنس یافتہ سیاحتی رہائشی مراکز کی تعداد بڑھ کر 6,122 ہو گئی، جو گزشتہ سال کی اسی مدت کے 4,988 مراکز کے مقابلے میں 22.7 فیصد زیادہ ہے۔
اعداد و شمار کے مطابق سروسڈ اپارٹمنٹس اور دیگر رہائشی سیاحتی مراکز کی تعداد 3,159 رہی، جو مجموعی مراکز کا 51.6 فیصد بنتی ہے، جبکہ 2,963 ہوٹل مجموعی تعداد کا 48.4 فیصد ہیں۔
مزید پڑھیں
رپورٹ میں بتایا گیا کہ 2026 کی پہلی سہ ماہی کے دوران ہوٹلوں میں کمروں کی اوسط بھراؤ Occupancy کی شرح 60.8 فیصد رہی، جو گزشتہ سال کی اسی مدت کے 63 فیصد کے مقابلے میں 2.1 فیصد پوائنٹس کم ہے۔
اس کے برعکس سروسڈ اپارٹمنٹس اور دیگر رہائشی مراکز کی اوسط بھراؤ کی شرح بڑھ کر 51.6 فیصد ہو گئی۔
جو ایک سال پہلے کے مقابلے میں ایک فیصد پوائنٹ زیادہ ہے۔
ہوٹلوں میں یومیہ اوسط کمرہ کرایہ 423 سعودی ریال ریکارڈ کیا گیا، جو گزشتہ سال کے 477 ریال کے مقابلے میں 11.4 فیصد کم ہے۔
اسی طرح سروسڈ اپارٹمنٹس اور دیگر رہائشی مراکز میں اوسط یومیہ کرایہ 206 ریال رہا، جس میں 1.2 فیصد کمی دیکھی گئی۔
رپورٹ کے مطابق ہوٹلوں میں ایک مہمان کے قیام کا اوسط دورانیہ بڑھ کر 4.2 راتیں ہو گیا، جو سالانہ بنیاد پر 2 فیصد اضافہ ظاہر کرتا ہے، جبکہ سروسڈ اپارٹمنٹس میں اوسط قیام 2.2 راتیں رہا، جس میں 1.2 فیصد اضافہ ریکارڈ کیا گیا۔
اعداد و شمار کے مطابق پہلی سہ ماہی میں سیاحتی شعبے سے وابستہ فعال اداروں کی تعداد 177,031 تک پہنچ گئی، جو گزشتہ سال کے مقابلے میں 9 فیصد زیادہ ہے۔
ان میں 176,831 چھوٹے اور درمیانے درجے کے ادارے شامل ہیں، جو مجموعی تعداد کا 99.9 فیصد بنتے ہیں، جبکہ صرف 200 بڑے ادارے ہیں۔
سعودی عرب میں سیاحتی مراکز کے اعداد و شمار
2026 کی پہلی سہ ماہی • جنرل اتھارٹی فار اسٹیٹسٹکس
سیاحتی منشآت کی تعداد
لائسنس یافتہ سیاحتی رہائشی مراکز
سیاحتی سرگرمیوں میں ملازمین
1,047,313 ملازمینخواتین ملازمین کا تناسب
13.3% کل ملازمین میں سےہوٹل روم آکوپینسی
60.8% اشغال کی شرحسروس اپارٹمنٹ آکوپینسی
51.6% اشغال کی شرح📌 یہ اعداد و شمار کیا بتاتے ہیں؟
2026 کی پہلی سہ ماہی کے اعداد و شمار سعودی سیاحت کے شعبے میں مسلسل وسعت کی عکاسی کرتے ہیں۔ سیاحتی منشآت کی بڑی تعداد، لائسنس یافتہ رہائشی مراکز میں اضافہ، ہوٹلوں کی مضبوط آکوپینسی اور ایک ملین سے زائد ملازمین اس بات کا اشارہ ہیں کہ مملکت میں سیاحت روزگار، سرمایہ کاری اور اقتصادی تنوع کا اہم ستون بنتی جا رہی ہے۔
روزگار کے حوالے سے بھی شعبے نے مثبت کارکردگی دکھائی۔
سیاحتی سرگرمیوں میں کام کرنے والے افراد کی مجموعی تعداد بڑھ کر 10 لاکھ 47 ہزار 313 ہو گئی، جو گزشتہ سال کے مقابلے میں 6.5 فیصد زیادہ ہے۔
ان میں 2 لاکھ 50 ہزار 94 سعودی شہری شامل ہیں، جو کل افرادی قوت کا 23.9 فیصد بنتے ہیں، جبکہ 7 لاکھ 97 ہزار 219 غیر سعودی کارکن اس شعبے میں خدمات انجام دے رہے ہیں، جو مجموعی افرادی قوت کا 76.1 فیصد ہیں۔