مراکش نے فیفا ورلڈ کپ 2026 کے راؤنڈ آف 32 میں نیدرلینڈز کو پنالٹی شوٹ آؤٹ میں 3-2 سے شکست دے کر پری کوارٹر فائنل میں جگہ بنا لی۔
مقررہ اور اضافی وقت 1-1 سے برابر رہا۔
اس کامیابی کے ساتھ مراکش مسلسل دوسرے ورلڈ کپ میں آخری 16 مرحلے تک پہنچنے والا پہلا عرب ملک بن گیا، جہاں اب اس کا مقابلہ کینیڈا سے ہوگا۔
مراکش کی قومی ٹیم نے عالمی فٹبال میں اپنی شاندار روایت کو برقرار رکھتے ہوئے فیفا ورلڈ کپ 2026 کے پری کوارٹر فائنل ’راؤنڈ آف 16‘ میں جگہ بنا لی۔
اس کامیابی کے ساتھ مراکش مسلسل دوسری بار ورلڈ کپ کے آخری 16 مرحلے تک رسائی حاصل کرنے والا پہلا عرب ملک بن گیا۔
مونٹیری کے بی بی وی اے اسٹیڈیم میں کھیلے گئے سنسنی خیز مقابلے میں مقررہ اور اضافی وقت 1-1 سے برابر رہا، جس کے بعد فیصلہ پنالٹی شوٹ آؤٹ پر ہوا، جہاں مراکش نے نیدرلینڈز کو 3-2 سے شکست دے کر اگلے مرحلے کے لیے کوالیفائی کر لیا۔
اب مراکش کا مقابلہ 4 جولائی کو امریکی شہر ہیوسٹن میں کینیڈا سے ہوگا۔
مزید پڑھیں
میچ کے اہم لمحات
میچ کے پہلے حصے میں دونوں ٹیمیں ایک دوسرے کے دفاع کو توڑنے میں ناکام رہیں، تاہم دوسرے ہاف کے 72ویں منٹ میں نیدرلینڈز نے برتری حاصل کر لی، جب کوڈی خاکپو نے کریسینسیو سمر ویل کے پاس پر گول اسکور کیا۔
مراکش نے جارحانہ کھیل پیش کیا اور مسلسل حملے جاری رکھے۔
بالآخر انجری ٹائم کے پہلے منٹ (90+1) میں عیسیٰ دیوب نے شمس الدین طالبی کی شاندار پاس پر گول کر کے مقابلہ برابر کر دیا اور میچ کو اضافی وقت میں پہنچا دیا۔
🇳🇱 Netherlands 1 (2) - (3) 1 Morocco 🇲🇦
— beIN SPORTS (@beINSPORTS_EN) June 30, 2026
Morocco are through to the Round of 16 after a dramatic penalty shootout!
Highlights ⤵️#FIFAWorldCup | #beINWC26 | #Morocco pic.twitter.com/fKSs6sgbUT
اضافی وقت میں بھی کوئی ٹیم فیصلہ کن گول نہ کر سکی، جس کے بعد پنالٹی شوٹ آؤٹ میں مراکش نے اعصاب پر قابو رکھتے ہوئے کامیابی حاصل کی۔
مراکش کی جانب سے سفیان رحیمی، شمس الدین طالبی اور اسماعیل صباری نے پنالٹیاں کامیابی سے تبدیل کیں، جبکہ نیل العیناوی اور اشرف حکیمی اپنی کوششوں میں کامیاب نہ ہو سکے۔
دوسری جانب نیدرلینڈز کے 3 کھلاڑی پنالٹیاں ضائع کر بیٹھے، جس کے نتیجے میں مراکش نے 3-2 سے کامیابی سمیٹ لی۔
اعداد و شمار میں مراکش کی برتری
میچ کے اعداد و شمار نے مراکش کی واضح برتری کو ثابت کیا۔ مراکش نے 70 فیصد وقت گیند اپنے قبضے میں رکھی، جبکہ نیدرلینڈز کا قبضہ صرف 30 فیصد رہا۔
مراکش نے مجموعی طور پر 11 شاٹس لیے، جن میں سے 5 ہدف پر تھے، جبکہ نیدرلینڈز نے صرف 6 شاٹس لگائے جن میں 2 ہی ہدف پر رہے۔
متوقع گولز (xG) کے لحاظ سے بھی مراکش کو واضح برتری حاصل رہی، جہاں اس کا xG 1.40 جبکہ نیدرلینڈز کا صرف 0.23 رہا۔
NED: ✅❌✅❌❌
— beIN SPORTS (@beINSPORTS_EN) June 30, 2026
MAR: ❌✅✅❌✅
Ismael Saibari slots in the winning penalty to send the Atlas Lions into the Round of 16 🤩#FIFAWorldCup | #beINWC26 | #Morocco pic.twitter.com/4ivDNjnpuJ
پاسنگ میں بھی مراکش نے عمدہ کارکردگی دکھائی اور 91 فیصد درست پاسز کے ساتھ 878 میں سے 800 کامیاب پاس مکمل کیے، جبکہ نیدرلینڈز نے 373 میں سے 293 پاسز مکمل کیے، جن کی کامیابی کی شرح 79 فیصد رہی۔
اگرچہ نیدرلینڈز شکست سے دوچار ہوا، لیکن اس کے گول کیپر بارٹ فیربروگن نے شاندار کھیل پیش کرتے ہوئے پانچ اہم بچاؤ کیے، جس پر انہیں میچ کا بہترین کھلاڑی قرار دیا گیا اور 8.3 ریٹنگ دی گئی۔
تاریخی کامیابی
اس فتح کے ساتھ مراکش نے ایک اور تاریخی سنگ میل عبور کیا۔ وہ مسلسل دوسری مرتبہ فیفا ورلڈ کپ کے پری کوارٹر فائنل میں پہنچنے والا پہلا عرب ملک بن گیا۔
اس سے قبل قطر میں ہونے والے 2022 ورلڈ کپ میں بھی مراکش نے اسپین کو پنالٹی شوٹ آؤٹ میں شکست دی تھی، پھر پرتگال کو ہرا کر سیمی فائنل تک رسائی حاصل کی اور ورلڈ کپ کی تاریخ میں سیمی فائنل کھیلنے والا پہلا عرب اور افریقی ملک بن گیا تھا۔
VITAL SAVE FROM VERBRUGGEN 🧤👏#FIFAWorldCup | #beINWC26 | #Netherlands pic.twitter.com/jW2XHlypZQ
— beIN SPORTS (@beINSPORTS_EN) June 30, 2026
یہ مجموعی طور پر تیسرا موقع ہے جب مراکش ورلڈ کپ کے آخری 16 مرحلے تک پہنچا ہے۔ اس سے پہلے 1986 کے میکسیکو ورلڈ کپ میں بھی اس نے یہ اعزاز حاصل کیا تھا، جہاں اسے جرمنی کے ہاتھوں شکست کا سامنا کرنا پڑا تھا۔
مزید برآں، مراکش نے افریقی ٹیم گھانا کے نقش قدم پر چلتے ہوئے مسلسل دو مختلف ورلڈ کپ ایڈیشنز میں پری کوارٹر فائنل تک رسائی حاصل کی، تاہم مسلسل دو عالمی کپ میں یہ کارنامہ انجام دینے والا پہلا عرب اور مسلم ملک بن کر اس نے ایک نئی تاریخ رقم کر دی۔