فیفا ورلڈ کپ 2026 کے گروپ بی کے پہلے مرحلے میں دونوں میچ برابر رہے، جس کے بعد گروپ کی چاروں ٹیموں کے درمیان مقابلہ مزید دلچسپ ہو گیا ہے۔
سانتا کلارا کے خلیجِ سان فرانسسکو اسٹیڈیم میں کھیلے گئے میچ میں قطر نے سوئٹزرلینڈ کے خلاف آخری لمحات میں گول کرکے 1-1 سے قیمتی ڈرا حاصل کر لیا۔
مزید پڑھیں
سوئٹزرلینڈ نے میچ کے 14ویں منٹ میں برتری حاصل کی، جب قطری مدافع محمود ابو الندیٰ کی جانب سے ریمو فروئلر پر فاؤل کے بعد ملنے والی پنالٹی کو بریل ایمبولو نے گول میں تبدیل کر دیا۔
سوئس ٹیم پورے میچ میں برتری برقرار رکھنے میں کامیاب رہی، تاہم اضافی وقت کے چوتھے منٹ میں خورخی بو علام نے شاندار ہیڈر کے ذریعے قطر کے لیے برابر ی کا گول کر کے اپنی ٹیم کو اہم ایک پوائنٹ دلا دیا۔
اسی گروپ کے دوسرے میچ میں برازیل اور مراکش کے درمیان نیویارک کے میٹ لائف اسٹیڈیم میں ہونے والا سنسنی خیز مقابلہ بھی 1-1 سے برابر رہا۔
@fifaworldcup Qatar 🆚 Switzerland #FIFAWorldCup ♬ sonido original - FIFA World Cup
مراکش نے 21 ویں منٹ میں اسماعیل صباری کے ذریعے برتری حاصل کی، جنہوں نے ابراہیم دیاز کی عمدہ پاس کو گول میں تبدیل کیا۔
تاہم برازیل نے 32 ویں منٹ میں وینیسیئس جونیئر کے گول کی بدولت مقابلہ برابر کر دیا، جس میں برونو گیماریش نے معاونت فراہم کی۔
گروپ B اور C کی تازہ صورتحال
پوائنٹس، گول فرق اور ابتدائی راؤنڈ کی پوزیشنز
گروپ B
گروپ C
میچ میں دونوں ٹیموں کے درمیان سخت مقابلہ دیکھنے میں آیا۔
برازیل کو گیند پر قبضے میں معمولی برتری حاصل رہی، جہاں اس کا پوزیشن 52 فیصد جبکہ مراکش کا 48 فیصد رہا۔
دوسری جانب مراکش نے مجموعی طور پر 14 شاٹس لیے جبکہ برازیل نے 13 کوششیں کیں۔
@fifaworldcup Brazil 🆚 Morocco #FIFAWorldCup ♬ som original - FIFA World Cup
دونوں ٹیموں نے دوسرے ہاف میں متعدد تبدیلیاں کرتے ہوئے فتح حاصل کرنے کی کوشش کی، مگر کوئی بھی ٹیم فیصلہ کن گول نہ کر سکی اور مقابلہ برابر ختم ہوا۔
مراکش کے اسماعیل صباری کو شاندار کارکردگی اور گول اسکور کرنے پر میچ کا بہترین کھلاڑی قرار دیا گیا۔
پہلے مرحلے کے اختتام پر گروپ بی کی چاروں ٹیمیں قطر، سوئٹزرلینڈ، برازیل اور مراکش ایک، ایک پوائنٹ کے ساتھ برابر ہیں، جس کے باعث اگلے مرحلے کی دوڑ مزید دلچسپ ہو گئی ہے۔