فیفا ورلڈ کپ 2026 میں امریکا اور پیراگوئے کے میچ کے دوران غیر معمولی واقعہ پیش آیا، جب وی اے آر کی مداخلت پر ریفری نے امریکی کھلاڑی ٹم ریم کو دکھایا گیا یلو کارڈ واپس لے لیا۔
بعد ازاں پیراگوئے کے کھلاڑی میگوئل المیرون کو ڈائیونگ اور فاؤل کا ڈراما کرنے پر یلو کارڈ دکھایا گیا۔
یہ فیفا کے نئے قوانین کے تحت وی اے آر کی جانب سے یلو کارڈ کے فیصلے میں پہلی عملی مداخلت قرار دی جا رہی ہے۔
فیفا ورلڈ کپ 2026 میں امریکا اور پیراگوئے کے درمیان کھیلے گئے میچ کے دوران ایک غیر معمولی اور تاریخی واقعہ پیش آیا، جب ویڈیو اسسٹنٹ ریفری VAR کی مداخلت پر پہلی بار کسی یلو کارڈ کا فیصلہ واپس لیا گیا۔
یہ اقدام فیفا کی جانب سے حال ہی میں متعارف کرائی گئی نئی ترامیم کے تحت ممکن ہوا۔
واقعہ دوسرے ہاف کے آغاز میں پیش آیا، جب ڈچ ریفری ڈینی ماکیلی نے امریکی کھلاڑی ٹم ریم کو پیراگوئے کے میگوئل المیرون کے خلاف فاؤل پر پیلا کارڈ دکھایا۔
المیرون تصادم کے بعد زمین پر گر گئے تھے، جس پر ریفری نے ابتدائی طور پر امریکی کھلاڑی کو خبردار کیا۔
مزید پڑھیں
تاہم وی اے آر حکام نے ریفری کو دوبارہ ویڈیو دیکھنے کی ہدایت کی، کیونکہ انہیں فیصلہ مشکوک محسوس ہوا۔
ری پلے کا جائزہ لینے کے بعد ریفری ماکیلی نے اپنا ابتدائی فیصلہ واپس لیتے ہوئے ٹم ریم کا پیلا کارڈ منسوخ کر دیا۔
دلچسپ بات یہ ہے کہ ریفری نے صرف کارڈ منسوخ کرنے پر اکتفا نہیں کیا بلکہ میگوئل المیرون کو ڈائیونگ اور فاؤل کا ڈراما کرنے پر پیلا کارڈ دکھا دیا۔
یوں یہ واقعہ میڈیا رپورٹس کے مطابق فیفا کے نئے وی اے آر پروٹوکول کے تحت پہلی عملی مثال بن گیا۔
حالة تحكيمية بعد التعديلات الجديدة!
— beIN SPORTS (@beINSPORTS) June 13, 2026
أنذر الحكم تيم ريم بعد اعتقاده بوجود مخالفة على ميغيل ألميرون، لكن الـVAR كشف "خطأ في تحديد الهوية". وبعد المراجعة، تبيّن عدم وجود احتكاك وأن ألميرون حاول التحايل، فتم إلغاء إنذار ريم ومنح البطاقة الصفراء لألميرون. pic.twitter.com/ewqzFjNHAA
فیفا نے حال ہی میں وی اے آر کے اختیارات میں توسیع کرتے ہوئے بعض مخصوص حالات میں مداخلت کی اجازت دی ہے۔
ان میں واضح طور پر غلط دوسرے پیلے کارڈ سے پیدا ہونے والے ریڈ کارڈ کے فیصلے، سزا پانے والے کھلاڑی کی غلط شناخت، اور بعض ایسی صورتیں شامل ہیں جن میں کارنر کک کے غلط فیصلے کو کھیل دوبارہ شروع ہونے سے قبل درست کیا جا سکتا ہو۔
یہ تاریخی واقعہ اس میچ کے دوران پیش آیا جس میں امریکا نے پیراگوئے کو 1-4 سے شکست دے کر ورلڈ کپ 2026 میں اپنی مہم کا شاندار آغاز کیا۔