سعودی روڈ اتھارٹی نے حج سیزن 1447ھ کے دوران اپنی مختلف کاوشوں کے تحت نئی پہل کا آغاز کیا ہے، جس کا مقصد ٹریفک سیفٹی کو فروغ دینا اور حجاج کے سفر کے تجربے کو بہتر بنانا ہے۔
یہ اقدام مقدس مقامات تک جانے والی سڑکوں کے انفراسٹرکچر کے معیار کو بلند کرنے کے لیے کیا گیا ہے تاکہ مكہ مكرمہ کی مذہبی و سیاحتی حیثیت کے شایانِ شان سہولیات فراہم کی جا سکیں اور وژن 2030 کے تحت 30 ملین عمرہ زائرین کے ہدف کے حصول میں مدد ملے۔
مزید پڑھیں
اتھارٹی کے مطابق اس پہل میں جدید روشنی کے نظام استعمال کیے گئے ہیں جو ڈرائیونگ کے تجربے کو بصری طور پر بہتر بناتے ہیں۔
اس کے تحت 16 لیزر ڈیوائسز نصب کی گئی ہیں جو 2 کلومیٹر تک رنگین روشنی فراہم کرتی ہیں جبکہ 1110 شمسی توانائی سے چلنے والی روشن زمینی نشانیاں ’کیٹ آئیز‘ بھی لگائی گئی ہیں۔
یہ جدید روشنی ڈرائیورز کی توجہ بڑھانے، آنکھوں کی تھکن کم کرنے
اور نیند یا غفلت کے امکانات کو کم کرنے میں مددگار ثابت ہوتی ہے، خصوصاً طویل سفر کے دوران۔
في موسمٍ تُضاء فيه الطرق لخدمتهم..
— الهيئة العامة للطرق (@RGAsaudi) May 3, 2026
"دربك نور" تجربة تُسهم في تجديد نشاط السائقين، وترفع مستوى السلامة على طريق الهجرة. pic.twitter.com/BKvMThe0hy
اتھارٹی نے واضح کیا کہ اس منصوبے کے نفاذ کے لیے مقامات کا انتخاب تکنیکی اور عملی معیار کی بنیاد پر کیا گیا ہے۔
ابتدائی مرحلے میں یہ منصوبہ ہجرہ روڈ پر نافذ کیا گیا ہے، جو مکہ مکرمہ اور مدينہ منورہ کو آپس میں ملاتا ہے اور حج کے دوران انتہائی مصروف رہتا ہے۔
اتھارٹی نے اس بات کی بھی تصدیق کی کہ اس منصوبے کو آزمائشی بنیادوں پر نافذ کیا جا رہا ہے اور اس کے مثبت نتائج کی صورت میں اسے دیگر سڑکوں تک بھی توسیع دی جائے گی۔
یہ اقدام نہ صرف حجاج کے لیے ایک منفرد سفری تجربہ فراہم کرے گا بلکہ مقدس شہر کے داخلی راستوں کی خوبصورتی میں بھی اضافہ کرے گا۔
مزید برآں، اس اقدام سے ٹریفک سیفٹی کے اشاریوں میں بہتری کی توقع کی جا رہی ہے، اور یہ جدید انجینئرنگ حل کے ذریعے حجاج اور عمرہ زائرین کی خدمت اور ان کی سلامتی کو یقینی بنانے کی ایک پائیدار مثال بن سکتا ہے۔
اتھارٹی اس طرح کی تحقیق اور عملی تجربات کو فروغ دے رہی ہے تاکہ سڑکوں کے شعبے میں جدت کو بڑھایا جا سکے کیونکہ یہ شعبہ حج و عمرہ خدمات کے لیے ایک بنیادی اور کلیدی حیثیت رکھتا ہے۔