حرمین شریفین میں رمضان المبارک کے دوران روزہ داروں کے لیے افطار کے وسیع انتظامات کیے گئے، جہاں 3 کروڑ 38 لاکھ 98 ہزار 92 سے زائد افطار پیکٹس تقسیم کیے گئے۔
عاجل ویب سائٹ کے مطابق یہ اقدامات زائرین کی خدمت اور انہیں بہتر روحانی ماحول فراہم کرنے کی کوششوں کا حصہ ہیں۔
افطار کی تقسیم مسجد الحرام اور مسجد نبوی کے اندرونی حصوں اور صحنوں میں باقاعدہ نظم و ضبط کے تحت کی گئی۔
متعلقہ ادارے نے بتایا کہ افطار کی فراہمی کے دوران صحت اور معیار کے سخت اصولوں پر عمل کیا گیا، جبکہ اذانِ مغرب سے قبل رش کے اوقات میں بھی تقسیم کے عمل کو منظم رکھا گیا تاکہ نمازیوں اور معتمرین کو کسی قسم کی دشواری کا سامنا نہ ہو۔
انتظامیہ کا کہنا ہے کہ یہ کاوشیں مختلف اداروں کے باہمی تعاون کا نتیجہ ہیں، جن کا مقصد حرمین شریفین میں آنے والے زائرین کو محفوظ، منظم اور سہل سہولیات فراہم کرنا ہے۔