مکاتیب النبیﷺ: نجاشی نے دعوت قبول کی، کسری نے خط چاک کردیا

حضرت نجاشیؒ کے نام روانہ کئے گئے مکتوب گرامی میں ہے کہ:

’بسم اللہ الرحمن الرحیم۔ 

محمد رسول اللہﷺ کی طرف سے حبشہ کے بادشاہ نجاشی کی طرف۔ 

اسلام قبول کیجئے کہ میں اللہ تعالیٰ کی حمد و ثنا بیان کرتا ہوں جس کے سوا کوئی الہ نہیں۔ وہ الملک، القدوس، السلام، المؤمن اور المہیمن ہے۔ 

میں گواہی دیتا ہوں کہ عیسیٰ بن مریم علیہ السلام روح اللہ اور اس کا کلمہ تھا جو مریم البتول الطاہرہ کی طرف بھیجا گیا تھا۔ 

اللہ تعالیٰ نے انہیں اس طرح پیدا کیا جس طرح حضرت آدم علیہ السلامکو پیدا کیا تھا۔ 

میں تمہیں دعوت دیتا ہوں کہ اللہ وحدہ لا شریک کی طرف۔ 

اس کی اطاعت کرو اور اس کا کہا مانو۔ 

پھر میری اتباع کرو، مجھ پر ایمان لاؤ اور اس پر ایمان لاؤ جو مجھ پر اللہ تعالیٰ کی طرف سے نازل کیا گیا ہے کہ میں اللہ تعالیٰ کا رسول ہوں۔ 

میں تمہیں اور تمہاری فوج کو اللہ کی طرف دعوت دیتا ہوں۔ 

میں نے اللہ تعالیٰ کا پیغام تمہاری طرف پہنچا دیا اور تمہیں نصیحت کی۔ 

میری نصیحت قبول کرو۔ سلام ہے اس پر جس نے ہدایت قبول کی‘۔