سید مسرت خلیل
جدہ
وفاقی وزیر پروفیسر احسن اقبال نے جدہ میں قونصلیٹ جنرل آف پاکستان کی نئی عمارت کا دورہ کیا اور پاکستانی کمیونٹی کی منتخب شخصیات سے ملاقات کی۔
انہوں نے قونصلر خدمات میں بہتری کے اقدامات کو سراہتے ہوئے حکومت کے ’اڑان پاکستان‘ وژن اور پاکستان کو 2035 تک ایک ٹریلین ڈالر کی معیشت بنانے کے ہدف سے آگاہ کیا۔
وفاقی وزیر برائے منصوبہ بندی، ترقی و خصوصی اقدامات اور ڈپٹی چیئرمین پلاننگ کمیشن پروفیسر احسن اقبال نے بدھ، 26 اگست 2026 کی شام قونصلیٹ جنرل آف پاکستان جدہ کا دورہ کیا، جہاں انہوں نے پاکستانی کمیونٹی کی معزز اور منتخب شخصیات سے ملاقات کی۔
OVERSEAS POST | SPECIAL REPORTاحسن اقبال کا دورہ — اہم نکات ⌄
- ✓وفاقی وزیر پروفیسر احسن اقبال نے 26 اگست 2026 کو قونصلیٹ جنرل آف پاکستان جدہ کا دورہ کیا۔
- ✓قونصل جنرل اور افسران نے انہیں نئی چانسری بلڈنگ میں پاکستانی کمیونٹی کو فراہم کی جانے والی سہولیات پر بریفنگ دی۔
- ✓وفاقی وزیر نے قونصلر خدمات کو بہتر بنانے کے لیے کئے گئے نئے اقدامات کو سراہا۔
- ✓انہوں نے پاکستانی کمیونٹی کی منتخب شخصیات سے ملاقات میں ’’اڑان پاکستان‘‘ کے قومی وژن پر روشنی ڈالی۔
- ✓حکومت کا ہدف پاکستان کو 2035 تک ایک ٹریلین ڈالر کی معیشت میں تبدیل کرنا ہے۔
- ✓پروفیسر احسن اقبال نے قومی ترقی میں سمندر پار پاکستانیوں کے کردار کو نہایت اہم قرار دیا۔
پاکستان قونصلیٹ جدہ کے پریس قونصلر محمد عرفان کی جانب سے جاری پریس ریلیز کے مطابق پروفیسر احسن اقبال کے ہمراہ پنجاب کے پارلیمانی سیکرٹری برائے آبپاشی رانا محمد فیاض، ایم پی اے بھی موجود تھے۔
مزید پڑھیں
وفاقی وزیر نے قونصلیٹ جنرل آف پاکستان جدہ کی نئی عمارت کا دورہ کیا۔
اس موقع پر قونصل جنرل اور دیگر افسران نے انہیں نئی چانسری بلڈنگ میں پاکستانی کمیونٹی کو فراہم کی جانے والی مختلف قونصلر سہولیات اور خدمات کے بارے میں تفصیلی بریفنگ دی۔
پروفیسر احسن اقبال نے قونصلیٹ کی جانب سے خدمات کی فراہمی کو
مزید مؤثر بنانے اور پاکستانی کمیونٹی کے لیے سہولیات میں بہتری لانے کے لیے کئے گئے نئے اقدامات کو سراہا۔
انہوں نے اس امید کا اظہار کیا کہ جدید سہولیات سے جدہ اور مغربی سعودی عرب میں مقیم پاکستانیوں کو قونصلر خدمات کے حصول میں مزید آسانی میسر آئے گی۔
بعد ازاں وفاقی وزیر نے پاکستانی کمیونٹی کے منتخب اراکین سے ملاقات کے دوران حکومت کے قومی ترقیاتی وژن ’اڑان پاکستان‘ کے اہم نکات پر روشنی ڈالی۔
انہوں نے حکومت کی ان پالیسیوں اور اقدامات سے بھی شرکاء کو آگاہ کیا جن کا مقصد پاکستان کو 2035 تک ایک ٹریلین ڈالر کی معیشت میں تبدیل کرنا ہے۔
OVERSEAS POST | ANALYSISیہ ملاقات کیوں اہم ہے؟ ⌄
یہ دورہ اور کمیونٹی ملاقات تین سطحوں پر اہم ہے:
پروفیسر احسن اقبال نے کہا کہ پاکستان کی معاشی ترقی اور قومی خوشحالی کے سفر میں سمندر پار پاکستانیوں کا کردار نہایت اہم ہے۔
انہوں نے بیرون ملک مقیم پاکستانیوں کی ملکی معیشت، سرمایہ کاری، ترسیلات زر اور پاکستان کے مثبت تشخص کو اجاگر کرنے میں خدمات کو سراہتے ہوئے انہیں قومی ترقی کے وژن میں بھرپور کردار ادا کرنے کی دعوت دی۔
OVERSEAS POST | COMMUNITYسمندر پار پاکستانیوں کا کردار ⌄
یہ کارڈ خبر میں بیان کئے گئے حکومتی مؤقف کا خلاصہ ہے؛ اسے کسی آزاد معاشی تخمینے یا ضمانت کے طور پر نہ پڑھا جائے۔