فیفا ورلڈ کپ 2026 کے راؤنڈ آف 32 میں اسپین نے آسٹریا کو 3-0 سے شکست دے کر شاندار انداز میں پری کوارٹر فائنل (راؤنڈ آف 16) کے لیے کوالیفائی کر لیا۔
لاس اینجلس کے سوفی اسٹیڈیم میں کھیلے گئے اس مقابلے میں اسپین نے ابتدا سے اختتام تک کھیل پر مکمل کنٹرول رکھا اور ہر شعبے میں اپنی برتری ثابت کی۔
اویارزابال نے برتری دلائی
اسپین نے میچ کے آغاز ہی سے جارحانہ انداز اپنایا، تاہم پہلا گول کرنے کے لیے اسے 36ویں منٹ تک انتظار کرنا پڑا۔
مارک کوکوریلا کی شاندار پاس پر میکیل اویارزابال نے گیند جال میں پہنچا کر اسپین کو 1-0 کی برتری دلا دی، جس کے ساتھ ہی پہلا ہاف ختم ہوا۔
GOAL!
— beIN SPORTS (@beINSPORTS_EN) July 2, 2026
Mikel Oyarzabal scores his third goal of the tournament to give Spain a first-half lead!
🇪🇸 Spain 1-0 Austria 🇦🇹#FIFAWorldCup | #beINWC26 | #Spain pic.twitter.com/XHBvu1ekJr
مزید پڑھیں
دوسرے ہاف کے آغاز پر آسٹریا نے واپسی کی کوشش میں کئی تبدیلیاں کیں۔
46ویں منٹ میں نکولاس سائیوالڈ اور زاویئر شلاگر کو میدان میں اتارا گیا، جبکہ 60ویں منٹ میں میخائل گریگورِچ اور رومانو شمٹ بھی متبادل کھلاڑی کے طور پر شامل ہوئے، مگر اسپین کی مضبوط گرفت کے سامنے یہ تبدیلیاں بے اثر ثابت ہوئیں۔
پیڈرو پورو کا پہلا بین الاقوامی گول
اسپین نے دباؤ برقرار رکھا اور 66ویں منٹ میں الیکس بائینا کی عمدہ معاونت پر پیڈرو پورو نے دوسرا گول کر دیا۔
یہ اسپین کی قومی ٹیم کے لیے ان کا پہلا بین الاقوامی گول تھا، جس نے میچ تقریباً اسپین کے نام کر دیا۔
اس دوران ہسپانوی کوچ نے بھی کئی تبدیلیاں کیں، جن میں 85ویں منٹ میں لامین یامال کی انٹری نمایاں رہی، جبکہ آسٹریا کے اسٹیفن پوش کو میچ کا واحد پیلا کارڈ دکھایا گیا۔
GOAL!
— beIN SPORTS (@beINSPORTS_EN) July 2, 2026
Álex Baena delivers a perfect ball across the box and Pedro Porro heads in to give Spain some breathing space!
🇪🇸 Spain 2-0 Austria 🇦🇹#FIFAWorldCup | #beINWC26 | #Spain pic.twitter.com/iigVMSEAJ0
اویارزابال کی ڈبل
مقررہ وقت ختم ہونے سے ایک منٹ پہلے میکیل اویارزابال نے ایک بار پھر مارک کوکوریلا کی خوبصورت پاس سے فائدہ اٹھاتے ہوئے اپنا دوسرا اور اسپین کا تیسرا گول داغ دیا، یوں اسپین نے 3-0 کی آسان فتح اپنے نام کر لی۔
اس گول کے ساتھ اویارزابال نے اسپین کی قومی ٹیم کے لیے اپنے مجموعی گولوں کی تعداد 29 کر دی اور سابق دفاعی کھلاڑی فرنینڈو ہیئرو کے ریکارڈ کی برابری کر لی، جبکہ اسپین کے لیے سب سے زیادہ 57 گول کرنے کا اعزاز اب بھی ڈیوڈ ویا کے پاس ہے۔
GOAL!
— beIN SPORTS (@beINSPORTS_EN) July 2, 2026
Mikel Oyarzabal puts the game to bed with his fourth goal of this @FIFAWorldCup 🔥
🇪🇸 Spain 3-0 Austria 🇦🇹#FIFAWorldCup | #beINWC26 | #Spain pic.twitter.com/aJvepCmWgM
بہترین کھلاڑی اور اگلا مقابلہ
دو گول کرنے اور پورے میچ میں شاندار کارکردگی دکھانے پر میکیل اویارزابال کو 9.3 ریٹنگ کے ساتھ ’مین آف دی میچ‘ قرار دیا گیا، جبکہ مارک کوکوریلا نے دونوں گولوں کی معاونت کر کے فتح میں اہم کردار ادا کیا۔
اس کامیابی کے بعد اسپین نے ورلڈ کپ 2026 کے راؤنڈ آف 16 میں جگہ بنا لی ہے، جہاں اس کا مقابلہ پرتگال اور کروشیا کے درمیان ہونے والے میچ کی فاتح ٹیم سے ہوگا۔