زکوٰۃ، ٹیکس اور کسٹمز اتھارٹی (زاتکا) نے الودیعہ بارڈر کے ذریعے سعودی عرب میں منشیات اسمگل کرنے کی کوشش ناکام بنا دی۔
حکام نے خوراکی اشیا کے پیکٹوں میں چھپائی گئی 6.2 کلو گرام چرس برآمد کر لی، جبکہ ملک کے اندر اس کھیپ کے وصول کنندگان کو بھی انسدادِ منشیات حکام کے تعاون سے گرفتار کر لیا گیا۔
زکوٰۃ، ٹیکس اور کسٹمز اتھارٹی ’زاتکا‘ کی ٹیموں نے منشیات اسمگل کرنے کی ایک کوشش ناکام بنا دی اور 6.2 کلوگرام چرس برآمد کر لی، جو خوراکی اشیاء کے پیکٹوں میں چھپا کر مملکت آنے والی ایک گاڑی کے ذریعے الودیعہ بارڈر کراسنگ سے سعودی عرب میں داخل کرنے کی کوشش کی جا رہی تھی۔
اتھارٹی نے بتایا کہ مملکت کے اندر منشیات وصول کرنے والے افراد کو بھی محکمہ انسداد منشیات کے تعاون سے گرفتار کر لیا گیا۔
مزید پڑھیں
سعودی پریس ایجنسی کے مطابق زاتکا نے اس عزم کا اعادہ کیا کہ وہ معاشرے کے امن و تحفظ کو یقینی بنانے کے لیے مملکت کی درآمدات اور برآمدات پر کسٹمز نگرانی مزید مؤثر بناتی رہے گی۔
یہ اقدامات سیکیورٹی کو مضبوط بنانے اور ممنوعہ اشیاء سے معاشرے کے تحفظ کے لیے متعلقہ اداروں کے ساتھ مسلسل تعاون کا حصہ ہیں۔
اتھارٹی نے عوام سے بھی اپیل کی کہ وہ اسمگلنگ کے خلاف جدوجہد
میں اپنا کردار ادا کریں اور معاشرے و قومی معیشت کے تحفظ کے لیے مشتبہ سرگرمیوں کی اطلاع دیں۔
#ارقد_وآمن | إحباط محاولة تهريب 6.2 كيلوغرامًا من مادة "الحشيش" المخدر، ضُبطت مُخبأة في إحدى المركبات القادمة إلى المملكة عبر منفذ الوديعة، وبالتنسيق مع @Mokafha_SA تم القبض على مستقبِلها داخل المملكة.#زاتكا pic.twitter.com/H6mgbO6EMZ
— هيئة الزكاة والضريبة والجمارك (@Zatca_sa) June 5, 2026
زاتکا کے مطابق اسمگلنگ اور کسٹمز قوانین کی خلاف ورزیوں سے متعلق معلومات مکمل رازداری کے ساتھ وصول کی جاتی ہیں، جبکہ درست اطلاع فراہم کرنے والوں کو مالی انعام بھی دیا جاتا ہے۔