سعودی معیشت نے سال 2025 میں حقیقی شرحِ نمو 4.5 فیصد ریکارڈ کی جو گزشتہ 3 برسوں میں سب سے زیادہ سالانہ اضافہ ہے۔
یہ نمو بنیادی طور پر غیر تیل شعبوں کی مسلسل توسیع کے باعث ممکن ہوئی، جنہوں نے 2024 کے مقابلے میں 4.9 فیصد اضافہ کیا۔
اس دوران مہنگائی 2 فیصد کی مستحکم سطح پر رہی، جبکہ سعودی شہریوں میں بے روزگاری کی شرح کم ہو کر 7.2 فیصد رہ گئی۔
مزید پڑھیں
وژن 2030 رپورٹ مطابق غیر تیل سرگرمیاں اب مجموعی قومی پیداوار ’جی ڈی پی‘ کا 55 فیصد حصہ بن چکی ہیں، جو اس بات کی عکاسی کرتی ہیں کہ مملکت نے معاشی تبدیلی کے سفر میں نمایاں پیش رفت کی ہے۔
یہ تنوع اب محض ایک حکمتِ عملی نہیں بلکہ ایک عملی حقیقت بن چکا ہے، جس کی قیادت سیاحت، صنعت، لاجسٹکس، ٹیکنالوجی
اور سرمایہ کاری کے شعبے کر رہے ہیں۔
یہ کارکردگی ان معاشی اصلاحات کے نتیجے میں سامنے آئی ہے جنہوں نے معیشت کو زیادہ مضبوط اور لچکدار بنایا اور اسے عالمی جھٹکوں کا مقابلہ کرنے کے قابل کیا۔
بین الاقوامی اداروں کے مطابق 2026 میں سعودی معیشت کی متوقع شرح نمو 3.1 فیصد سے 4.3 فیصد کے درمیان رہ سکتی ہے، جبکہ مقامی اندازے اسے 5.6 فیصد تک قرار دیتے ہیں۔
رپورٹ کے مطابق سعودی عرب نے سمندری پانی کو میٹھا بنانے کے شعبے میں بھی اپنی قیادت کو مزید مضبوط کیا ہے، اور وہ دنیا کے سب سے بڑہ ڈی سیلینیشن پیدا کرنے والا ملک بن چکا ہے۔
قابلِ تجدید توانائی منصوبے 64 گیگاواٹ تک پہنچ گئے
یومیہ پیداوار 2016 میں 4.6 ملین مکعب میٹر سے بڑھ کر 2025 میں 16 ملین مکعب میٹر سے تجاوز کر گئی، جبکہ پانی کی ترسیلی صلاحیت 17.2 ملین مکعب میٹر یومیہ تک پہنچ گئی۔
پانی میٹھا کرنے کے شعبے میں ریکارڈ کامیابیاں حاصل ہوئیں، جہاں سمندری پانی سے میٹھا پانی بنانے کی دستیاب صلاحیت 11.88 ملین مکعب میٹر یومیہ تک پہنچ گئی۔
اس کے ساتھ ساتھ الخبر پروجیکٹ ’670.8 ہزار مکعب میٹر یومیہ‘ اور الشعیبہ، الجبیل اور الشقیق جیسے بڑے منصوبے بھی فعال کیے گئے۔
قابلِ تجدید توانائی کے شعبے میں، 2025 کے اختتام تک مملکت میں زیرِ عمل منصوبوں کی مجموعی صلاحیت تقریباً 64 گیگاواٹ تک پہنچ گئی جبکہ بیٹری اسٹوریج منصوبوں کی گنجائش 30 گیگاواٹ گھنٹہ رہی۔
صرف اسی سال کے دوران 20.6 گیگاواٹ کے نئے منصوبے پیش کیے گئے، جو قومی توانائی مکس کو متنوع بنانے میں اہم کردار ادا کر رہے ہیں۔