اوپیک پلس گروپ کے 8 رکن ممالک — سعودی عرب، روس، عراق، متحدہ عرب امارات، کویت، قازقستان، الجزائر اور عمان — نے ویڈیو کانفرنس کے ذریعے مارکیٹ کے حالات اور مستقبل کے امکانات کا جائزہ لیا ہے۔
اجلاس میں فیصلہ کیا گیا کہ اپریل 2023 میں اعلان کردہ کل 1.65 ملین بیرل یومیہ اضافی رضاکارانہ ترمیم میں سے 206 ہزار بیرل یومیہ کمی مئی 2026 سے نافذ کی جائے گی۔
مزید پڑھیں
اوپیک پلس کے مطابق کمی کو مارکیٹ کے حالات کے مطابق جزوی یا مکمل طور پر واپس لایا جا سکتا ہے۔
شریک ممالک نے کہا کہ وہ مارکیٹ کی صورتحال کا بغور جائزہ اور مسلسل نگرانی جاری رکھیں گے۔
اجلاس میں 8 ممالک نے اس بات پر زور دیا کہ محتاط حکمت عملی اور مکمل لچک ضروری ہے تاکہ پیداوار میں اضافے یا کمی کے فیصلے اور
پچھلی رضاکارانہ ترمیمات کی واپسی، باآسانی ایڈجسٹ کی جا سکیں۔
خصوصاً نومبر 2023 میں اعلان کردہ 2.2 ملین بیرل یومیہ تعدیلات کو ضرورت پڑنے پر ریورس کیا جا سکتا ہے۔
رکن ممالک نے مزید کہا کہ یہ اقدام شریک ممالک کو زائد پیداوار کی تلافی کے عمل کو تیز کرنے کا موقع فراہم کرے گا اور اضافی رضاکارانہ ترمیمات کی پابندی کی نگرانی مشترکہ وزارتی کمیٹی کرے گی۔