سعودی عرب کی جنرل اتھارٹی برائے ٹرانسپورٹ نے ملک کے مختلف علاقوں میں مسافروں کی آمد و رفت کے شعبے کو منظم کرنے اور غیر قانونی سرگرمیوں کو روکنے کے لیے اپنی فیلڈ مانیٹرنگ ٹیموں کے گشت میں اضافہ کر دیا ہے۔
سبق ویب سائٹ کے مطابق اتھارٹی کی ٹیمیں 24 گھنٹے کی بنیاد پر کارروائیاں کر رہی ہیں تاکہ مسافروں کی نقل و حمل کے شعبے میں ہونے والی خلاف ورزیوں کی نشاندہی کی جا سکے۔
مزید پڑھیں
اس مہم کا بنیادی ہدف غیر منظم اور غیر قانونی طور پر مسافروں کو لانے لے جانے والے افراد کے خلاف کارروائی کرنا ہے تاکہ ٹرانسپورٹ کے شعبے میں حفاظتی معیار کو مزید بہتر کیا جا سکے۔
جنرل اتھارٹی برائے ٹرانسپورٹ کی جانب سے جاری کردہ بیان کے مطابق ان مسلسل چھاپوں اور نگرانی مہم کا مقصد قانون کی خلاف ورزی کرنے والوں پر جرمانے عائد کرنا اور اس شعبے میں کام کرنے والے افراد کو
سرکاری ضوابط اور لائسنسنگ کی شرائط پر عمل درآمد کا پابند بنانا ہے۔
اتھارٹی نے واضح کیا کہ ان کی ٹیمیں اس بات کو یقینی بنا رہی ہیں کہ ٹرانسپورٹ کے شعبے میں کام کرنے والے تمام افراد مقررہ قوانین کے تحت خدمات فراہم کریں تاکہ مجموعی طور پر ٹرانسپورٹیشن کے ماحول کو محفوظ اور قابل اعتماد بنایا جا سکے۔
یہ اقدامات مسافروں کی جان و مال کے تحفظ اور انہیں معیاری سفری سہولیات کی فراہمی کو یقینی بنانے کے لیے اتھارٹی کی کوششوں کا حصہ ہیں۔
اتھارٹی کا کہنا ہے کہ ٹرانسپورٹ کے نظام میں باقاعدگی اور لائسنسنگ کی شرائط کی پابندی نہ صرف سروس کے معیار کو بہتر بناتی ہے بلکہ اس سے مسافروں کے حقوق کا بھی تحفظ ہوتا ہے۔ غیر قانونی ذرائع سے سفر کرنا تکنیکی اور قانونی طور پر خطرناک ثابت ہو سکتا ہے، اس لیے حکام نے ان سرگرمیوں کی بیخ کنی کے لیے مانیٹرنگ کا دائرہ کار وسیع کر دیا ہے۔
اتھارٹی نے معاشرے کے تمام افراد اور مقیم غیر ملکیوں سے اپیل کی ہے کہ وہ سفر کے لیے غیر قانونی اور بغیر لائسنس یافتہ ٹرانسپورٹرز کے ساتھ لین دین سے مکمل گریز کریں۔
اس سلسلے میں عوام کو مشورہ دیا گیا ہے کہ وہ صرف ان وسائل اور کمپنیوں پر بھروسا کریں جو اتھارٹی سے منظور شدہ اور باقاعدہ لائسنس یافتہ ہیں تاکہ ان کا سفر مملکت کے تکنیکی معیارات اور رائج قوانین کے مطابق محفوظ رہے۔
حکام کی جانب سے وضاحت کی گئی ہے کہ غیر قانونی ٹرانسپورٹ کا استعمال نہ صرف حفاظتی خطرہ ہے بلکہ یہ قانونی گرفت میں آنے کا باعث بھی بن سکتا ہے۔
سعودی ٹرانسپورٹ اتھارٹی نے اس بات کا اعادہ کیا ہے کہ مملکت کے تمام شہروں میں یہ کارروائیاں بلا امتیاز جاری رہیں گی تاکہ ٹرانسپورٹ کے شعبے میں مسابقت کے عمل کو منصفانہ بنایا جا سکے اور لائسنس یافتہ اداروں کی حوصلہ افزائی ہو۔
حکام کا کہنا ہے کہ عوامی تعاون ہی سے غیر قانونی ٹرانسپورٹ کے رجحان کو ختم کیا جا سکتا ہے، جس سے مملکت کے انفرا اسٹرکچر اور ٹرانسپورٹیشن کے نظام کو جدید خطوط پر استوار کرنے میں مدد ملے گی۔
ضبط 1550مخالفًا خلال الفترة من8 إلى14 فبراير 2026م ؛ لممارستهم نشاط نقل الركاب دون الحصول على ترخيص "الكدادة".#دربنا_واحد #الهيئة_العامة_للنقل_TGA pic.twitter.com/M4Y6m9hKKw
— الهيئة العامة للنقل | TGA (@Saudi_TGA) February 17, 2026