آپ کی کرپٹو رقم کا اصل مالک کون ہے؟
+
دنیا بھر میں کروڑوں افراد سمجھتے ہیں کہ کرپٹو کرنسی انہیں بینکوں اور حکومتوں کے روایتی مالیاتی نظام سے آزادی دیتی ہے۔
مزید پڑھیں
لیکن اگر ایک دن آپ کے ڈیجیٹل والٹ میں اربوں روپے کے برابر اثاثے موجود ہوں اور اچانک آپ انہیں نہ کسی کو بھیج سکیں، نہ فروخت کرسکیں اور نہ ہی نکال سکیں تو کیا ہوگا؟
بظاہر آپ مالک ہوں گے، لیکن اختیار کسی اور کے ہاتھ میں ہوگا۔
بائنانس (Binance) پر 6.3 ارب ڈالر کی حالیہ ہیکنگ نے کرپٹو مارکیٹ کے اسی تضاد کو دنیا کے سامنے رکھ دیا ہے۔
31 اکتوبر کو کمپنی نے بتایا کہ چوری شدہ اثاثوں کے تقریباً 90 فیصد کے مساوی رقم دوبارہ مہیا کردی گئی ہے، تاہم یہ رقم چوروں سے واپس ملنے کے مترادف نہیں، بلکہ کمپنی نے اپنے ذخائر سے متاثرہ اثاثوں کی کمی پوری کرنے کا انتظام کیا ہے۔
ہیکنگ کیسے ہوئی، اربوں ڈالر کہاں گئے؟
بائنانس کی ابتدائی تحقیقات کے مطابق حملہ آور نے کمپنی کے ایک انجینئر کے لیپ ٹاپ تک رسائی حاصل کرکے اندرونی نظام میں نقب لگائی۔
اس کے بعد پلیٹ فارم کے اپنے نظام کے ذریعے غیر مجاز ٹرانزیکشنز کی گئیں۔
کمپنی کا کہنا ہے کہ اب تک والٹس کی نجی چابیاں چوری ہونے کا کوئی ثبوت نہیں ملا۔ بلاک چین تجزیاتی ادارے بٹ کوئری کے مطابق تقریباً 4 گھنٹوں میں 9 مختلف بلاک چین نیٹ ورکس سے رقم منتقل کی گئی۔
اربوں ڈالر کی ہیکنگ کے پیچھے چھپا کھیل
اس واقعے میں سب سے حیران کن پہلو یہ تھا کہ حملہ آور نے چوری شدہ رقم کو مختلف ڈیجیٹل کرنسیوں میں تبدیل کرکے اپنے نشانات چھپانے کی کوشش کی۔
بٹ کوئری کی تحقیقات کے مطابق تقریباً 2.7 ارب ڈالر کے اثاثے منجمد کیے گئے، جبکہ 72 کروڑ 90 لاکھ ڈالر کے اسٹیبل کوائنز پابندی لگنے سے پہلے دوسری کرنسیوں میں تبدیل کردیے گئے۔
LATEST: Binance co-founder Yi He announces that “Binance will cover all hacking losses.”
— CoinDesk (@CoinDesk) October 30, 2026
پیسہ آپ کا، اختیار کسی اور کا!
اس پورے معاملے میں اصل کہانی کرپٹو کرنسی کے 2 مختلف نظاموں کی ہے۔ پہلا وہ پلیٹ فارم جہاں صارف اپنی رقم رکھتا ہے، جبکہ دوسرا وہ کمپنی جو مخصوص ڈیجیٹل کرنسی جاری کرتی ہے۔
مثلاً یو ایس ڈی سی جاری کرنے والی کمپنی سرکل کو مخصوص ڈیجیٹل ایڈریسز پر پابندی لگانے کا اختیار ہے۔
پاکستانی سرمایہ کاروں کے لیے خطرے کی گھنٹی
▼
اس کا مطلب ہے کہ صارف کا والٹ اس کے اپنے کنٹرول میں ہونے کے باوجود کمپنی مخصوص حالات میں اس کے یو ایس ڈی سی کی منتقلی روک سکتی ہے۔ سرکل کی شرائط میں قانونی احکامات کے تحت اثاثے منجمد کرنے کا اختیار بھی شامل ہے۔
ٹیتھر بھی اپنے اسٹیبل کوائن یو ایس ڈی ٹی کے مخصوص ایڈریسز کو منجمد کرسکتی ہے۔
بائنانس واقعے میں ان کمپنیوں نے حملہ آور کے زیرِ استعمال متعدد والٹس کو نشانہ بنایا۔ یوں چوری شدہ رقم کا ایک بڑا حصہ مزید منتقل ہونے سے روک دیا گیا۔
بٹ کوائن میں فرق کیا ہے؟
بٹ کوائن کا نظام نسبتاً مختلف ہے۔ اسے جاری کرنے والی کوئی ایک مرکزی کمپنی نہیں جو اپنی مرضی سے صارفین کے تصدیق شدہ لین دین منسوخ کرسکے۔
بٹ کوائن اور اسٹیبل کوائن میں اصل فرق کیا ہے؟
مزید جانیں
بٹ کوائن ڈاٹ آرگ کے مطابق ایک مرتبہ ٹرانزیکشن کی تصدیق ہوجائے تو رقم واپس لینے کے لیے وصول کنندہ کا تعاون ضروری ہوتا ہے۔
لیکن یہاں بھی ایک اہم فرق ہے۔ اگر بٹ کوائن کسی تجارتی پلیٹ فارم پر رکھا ہے تو رقم نکلوانے کا اختیار اسی پلیٹ فارم کے پاس رہتا ہے۔
🚨 UPDATE: Binance identified additional breach points in the $6.3 billion hack, with attackers using an EIP-7702 delegation to bypass normal hot-wallet approval controls. Co-CEO Richard Teng clarified that the attack went beyond one engineer’s permissions and that investigators have not attributed responsibility to any individual. https://t.co/HZNsKbNLHU
— Cointelegraph (@Cointelegraph) October 30, 2026
نجی والٹ استعمال کرنے سے یہ انحصار کم ضرور ہوتا ہے، لیکن اس کے ساتھ سیکیورٹی اور غلط ٹرانزیکشن کی ذمہ داری بھی صارف پر منتقل ہوجاتی ہے۔
آزادی کی قیمت کیا ہے؟
کرپٹو مارکیٹ کا سب سے بڑا وعدہ مالیاتی آزادی ہے، لیکن بائنانس واقعے نے دکھایا کہ یہ آزادی ہر ڈیجیٹل کرنسی اور ہر پلیٹ فارم پر یکساں نہیں۔
کیا کرپٹو کی مالی آزادی محض ایک دھوکا ہے؟
ایک طرف کمپنیوں کے اختیارات چوری شدہ رقم بچانے میں مدد دیتے ہیں، دوسری طرف یہی اختیارات عام سرمایہ کاروں کی رقوم تک رسائی بھی روک سکتے ہیں۔
پاکستان سمیت دنیا بھر کے سرمایہ کاروں کے لیے اصل سوال صرف یہ نہیں کہ کون سی کرپٹو کرنسی مہنگی ہوگی، بلکہ یہ بھی ہے کہ اس پر اختیار کس کا ہے، اسے کون منجمد کرسکتا ہے اور ضرورت پڑنے پر اسے نقد رقم میں کیسے تبدیل کیا جاسکتا ہے۔
بائنانس کی ہیکنگ نے ایک بنیادی حقیقت واضح کردی ہے کہ ڈیجیٹل پیسے کا مالک ہونا اور اس پر مکمل اختیار رکھنا دو الگ باتیں ہیں۔