محکمہ شماریات نے بتایا ہے کہ جنوری 2026 میں سالانہ مہنگائی کی شرح 1.8 میں ریکارڈ کی گئی جو کہ جنوری 2025 کے مقابلے میں ہے۔
مہنگائی میں رہائش، پانی، بجلی، گیس اور دیگر ایندھن کی قیمتوں میں 4.2 فیصد اضافہ، نقل و حمل میں 1.5 فیصد اضافہ اور ریستورانوں و رہائش کی خدمات میں ایک فیصد اضافہ اہم اسباب رہے۔
مزید پڑھیں
اخبار 24 کے مطابق محکمے نے واضح کیا ہے کہ رہائشی کرایے مہنگائی میں سب سے بڑا عنصر تھے کیونکہ سالانہ بنیاد پر کرایے 5.2 فیصد بڑھ گئے ہیں۔
مسافروں کی نقل و حمل کی خدمات کی قیمتیں 6.0 فیصد بڑھی ہیں جبکہ کھانے پینے کی خدمات 1.0 فیصد مہنگی ہوئی ہیں۔
ذاتی دیکھ بھال اور دیگر اشیاء و خدمات کے شعبے میں 7.9 فیصد اضافہ
ہوا ہے جس کی وجہ زیورات اور گھڑیاں کی قیمتوں میں 28 فیصد سے زیادہ اضافہ تھا۔
اس کے علاوہ بیمہ اور مالی خدمات 3.3 فیصد، تفریح، کھیل اور ثقافت 2.3 فیصد (خصوصاً تعطیلات کی قیمتوں میں 3.7 فیصد اضافہ)، تعلیم 1.6 فیصد، اور خوراک و مشروبات 0.2 فیصد مہنگی ہوئیں۔
اس کے برعکس، فرنیچر اور گھریلو آلات کی قیمتیں 0.3 فیصد اور صحت 0.1 فیصد کم ہوئیں۔
ماہانہ بنیاد پر جنوری 2026 میں صارف قیمتوں کا اشاریہ 0.2 فیصد بڑھا، جس میں رہائش، پانی، بجلی اور ایندھن کے شعبے میں 0.5 فیصد اضافہ شامل ہے، جس میں رہائشی کرایوں میں 0.5 فیصد اضافہ اثرانداز ہوا۔