محکمہ تعلیم مکہ مکرمہ ریجن نے رمضان المبارک کے دوران اسکولوں میں تعلیمی دن کے آغاز کے اوقات کی منظوری دے دی ہے۔
یہ اقدام طلبہ اور اسکول کے عملے کے لیے ماہِ مقدس کی خصوصیات کے مطابق موزوں تعلیمی ماحول فراہم کرنے کے پیشِ نظر کیا گیا ہے۔
مزید پڑھیں
سبق ویب سائٹ کے مطابق محکمہ تعلیم نے کہا ہے کہ صبح کے اسکولوں میں تعلیمی دن کا آغاز صبح 9 بجے ہوگا۔
رمضان المبارک کے دوران انتظامی عملے کے اوقاتِ کار روزانہ 5 گھنٹے ہوں گے، جو صبح 10 بجے سے سہ پہر 3 بجے تک ہوں گے تاکہ کام کی روانی مؤثر انداز میں برقرار رہے اور انتظامی نظم و ضبط کو بھی یقینی بنایا جا سکے۔
انتظامیہ نے زور دیا کہ یہ انتظامات روزے کے حالات کو مدنظر رکھتے ہوئے اور تعلیمی تقاضوں اور ماہِ مبارک کی ضروریات کے درمیان توازن قائم کرنے کے لیے کیے گئے ہیں۔
اسکولوں کی انتظامیہ سے اپیل کی گئی ہے کہ وہ اعلان کردہ اوقات کی پابندی کریں اور تعلیمی برادری کے ساتھ تعاون کو یقینی بنائیں تاکہ تعلیمی دن باقاعدگی سے جاری رہے اور اعلیٰ ترین تعلیمی کارکردگی اور نظم و ضبط حاصل کیا جا سکے۔