جنرل اتھارٹی برائے روڈز نے بتایا ہے کہ ریاض۔الرين۔بیشہ ڈبل روڈ منصوبہ مکمل کرلیا گیا ہے جو مملکت کے اہم ترین شاہراہ منصوبوں میں شامل ہے اور اس کی مجموعی لمبائی 559 کلومیٹر ہے۔
مزید پڑھیں
اتھارٹی کے مطابق منصوبے کے تمام تعمیراتی اور ترقیاتی مراحل مکمل کر لیے گئے ہیں۔
یہ منصوبہ ٹرانسپورٹ اور لاجسٹکس شعبے کی کارکردگی بہتر بنانے اور سڑکوں کے انفرا اسٹرکچر کو مضبوط بنانے کی حکمت عملی کا حصہ ہے۔
اتھارٹی کے مطابق اس منصوبے پر کل 1.26 ارب ریال لاگت آئی ہے، جس کے تحت 9 پل تعمیر کیے گئے ہیں جبکہ بارش اور سیلابی پانی کی
نکاسی کے لیے 650 انفرا اسٹرکچرز تیار کیے گئے ہیں۔
سڑک پر اعلیٰ معیار کے رہنما بورڈز، روڈ مارکنگ، لین نشانات اور وارننگ رمبل اسٹرپس نصب کیے گئے ہیں تاکہ ٹریفک کی روانی بہتر ہو اور حادثات میں کمی آئے۔
يسهم ازدواج طريق الرياض - الرين - بيشة في تعزيز السلامة وكفاءة التنقل وتحسين الربط بين المناطق، ضمن مستهدفات برنامج قطاع الطرق، وتتواصل أعمال استكمال بقية الأجزاء على كامل الطريق. pic.twitter.com/7mjM6ZhkuS
— الهيئة العامة للطرق (@RGAsaudi) February 13, 2026
روڈز اتھارٹی کا کہنا ہے کہ یہ شاہراہ مختلف علاقوں اور گورنریٹس کے درمیان رابطہ مضبوط کرے گی، جس سے لاجسٹک سرگرمیوں، معاشی شعبوں اور سیاحت کو فروغ ملے گا۔ بڑھتی ہوئی ٹریفک کی ضروریات کو مدنظر رکھتے ہوئے اس منصوبے میں معیار اور حفاظت کے عالمی اصول اپنائے گئے ہیں۔
اتھارٹی نے واضح کیا کہ وہ روڈ سیکٹر پروگرام کے اہداف کے حصول کے لیے مزید منصوبوں اور اقدامات پر کام جاری رکھے ہوئے ہے۔
ان اہداف میں 2030 تک عالمی معیار کے روڈ کوالٹی انڈیکس میں چھٹا مقام حاصل کرنا، حادثات میں اموات کی شرح کو ہر ایک لاکھ افراد میں 5 سے کم کرنا، بین الاقوامی روڈ اسیسمنٹ پروگرام (IRAP) کے مطابق حفاظتی معیار کی کوریج بڑھانا اور سڑکوں کی گنجائش اور سروس لیول کو اعلیٰ سطح پر برقرار رکھنا شامل ہے۔