خادم الحرمين الشريفين شاہ سلمان بن عبد العزیز نے فہد بن عبدالجليل بن علي آل سيف کو وزیر سرمایہ کاری مقرر کیا جو سابق وزیر خالد الفالح کی جگہ لیں گے۔
فہد السيف نے کنگ فہد یونیورسٹی آف پیٹرولیم اینڈ میٹلز سے مینیجریل انفارمیشن سسٹمز میں بیچلرز کی ڈگری حاصل کی اور پبلک انویسٹمنٹ فنڈ (PIF) میں کئی اہم کمیٹیوں کے رکن اور متعدد کمپنی بورڈز کے صدر ہیں۔
مزید پڑھیں
اخبار 24 کے مطابق انہیں 26 سال سے زائد کا تجربہ حاصل ہے جس میں خزانہ، سرمایہ کاری، قرض مینجمنٹ اور کارپوریٹ فنانس شامل ہیں۔
انہوں نے نجی شعبے میں سعودی برٹش بینک اور HSBC سعودی میں اعلیٰ عہدوں پر کام کیا، بعد میں وزیر خزانہ کے مشیر اور جنرل ڈیٹ مینجمنٹ آفس کے CEO بھی رہے۔
PIF میں انہوں نے سرمایہ کاری کی حکمت عملی، گرین فنانسنگ فریم
ورک، بین الاقوامی بانڈز اور 100 سالہ گرین بانڈ اسکیم تیار کی۔
وہ کئی مقامی و بین الاقوامی کمپنیوں اور کمیٹیوں کے بورڈ میں خدمات انجام دے رہے ہیں، جن میں ایویلیس، اعمار کنگ عبد الله اکنامک سٹی، سعودی ری فنانسنگ کمپنی اور دیگر شامل ہیں۔