صحرا میں 4 ارب سال پرانا مریخی پتھر دریافت، کیا مریخ پر زندگی تھی؟

ایک اہم سوال یہ ہے کہ مریخ پر تشکیل پانے والا پتھر زمین کے صحرائے صحارا تک کیسے پہنچا؟سائنس دانوں کے مطابق جب کوئی بڑا سیارچہ مریخ سے ٹکراتا ہے تو شدید دھماکے کے نتیجے میں بعض چٹانیں خلا میں جا سکتی ہیں۔
یہ ٹکڑے لاکھوں یا کروڑوں سال خلا میں سفر کرتے رہتے ہیں اور بعض اوقات زمین کی کششِ ثقل کے باعث اس کی سطح پر آ گرتے ہیں۔
ممکنہ طور پر تیغزا 001 بھی اسی عمل کے ذریعے زمین تک پہنچا، تاہم اس کے مریخ سے الگ ہونے اور زمین پر گرنے کا درست زمانہ ابھی معلوم نہیں۔
یہ دریافت ایک مرتبہ پھر اس قدیم سوال کو نمایاں کرتی ہے کہ کیا زمین کے علاوہ کسی دوسرے سیارے پر کبھی زندگی موجود رہی ہے؟
سائنس دانوں کے مطابق اگر مریخ پر اربوں سال پہلے مائع پانی، مناسب درجہ حرارت اور ضروری کیمیائی عناصر موجود تھے تو وہاں ابتدائی زندگی کے لیے سازگار ماحول ممکن تھا۔لیکن اس پتھر میں کسی جاندار یا جرثومے کا براہِ راست ثبوت نہیں ملا۔
اس لیے اس دریافت کو مریخ پر زندگی کا قطعی ثبوت قرار دینا سائنسی طور پر درست نہیں ہوگا۔