خلا سے زمین تک: تباہی کا ممکنہ راستہ
+
زمین کے گرد گردش کرنے والی ہر چیز ہمیشہ خلا میں نہیں رہ سکتی۔ بعض اوقات زمین کی کشش اور فضا کی مزاحمت مل کر مصنوعی سیاروں کو بتدریج نیچے کھینچنے لگتی ہے۔
مزید پڑھیں
اب امریکی خلائی ادارے ناسا کی ایک اہم خلائی رصدگاہ بھی اسی صورت حال سے دوچار ہے، جس کا ڈیڑھ ٹن وزنی ڈھانچہ زمین کی طرف واپس آنے والا ہے۔
یہ دوربین نیل گیہرلز سوئفٹ (Neil Gehrels Swift Observatory) کہلاتی ہے۔
اسے 20 نومبر 2004 کو خلا میں بھیجا گیا تھا اور ابتدائی منصوبے کے
مطابق اسے صرف 2 سال کام کرنا تھا، لیکن اس نے 2 دہائیوں سے زیادہ عرصے تک کائنات کے پراسرار واقعات کا مشاہدہ کیا۔
سورج کی سرگرمی نے مشکل بڑھا دی
اس خلائی دوربین کے مدار میں تیزی سے کمی آنے کی ایک اہم وجہ سورج کی غیر معمولی سرگرمی ہے۔
سورج کی سرگرمی بڑھنے سے زمین کی بالائی فضا پھیلتی ہے اور اس کے نتیجے میں خلا میں گردش کرنے والی اشیا کو پہلے کے مقابلے میں زیادہ مزاحمت کا سامنا کرنا پڑتا ہے۔
ناسا کے مطابق اس اضافی مزاحمت نے سوئفٹ کی رفتار اور مدار کو متاثر کیا، جس کے باعث وہ مسلسل نیچے آنے لگی۔ 20 اکتوبر 2026 کو اس کی بلندی تقریباً 275 کلومیٹر رہ گئی، جہاں وہ مستحکم انداز میں سائنسی مشاہدات جاری رکھنے کے قابل نہیں رہی۔
ڈیڑھ ٹن ملبہ: کتنے ممالک خطرے کی زد میں؟
اربوں ڈالر کی کوشش بھی ناکام
ناسا نے اس دوربین کو بچانے کے لیے ایک نجی امریکی کمپنی کی مدد سے خصوصی روبوٹک مشن تیار کیا تھا۔
ایریزونا کی کمپنی کٹالسٹ اسپیس ٹیکنالوجیز کے تیار کردہ لنک (LINK) نامی خلائی جہاز کو سوئفٹ کے قریب پہنچ کر اس کا مدار بلند کرنا تھا۔
تاہم خلائی جہاز کے کنٹرول سسٹم میں خرابی کے باعث یہ منصوبہ کامیاب نہیں ہوسکا۔
لنک دوربین سے تقریباً 12 سے 15 کلومیٹر کے فاصلے تک پہنچا، لیکن اسے پکڑنے اور بلند کرنے میں ناکام رہا۔ ستمبر میں یہ روبوٹک خلائی جہاز بھی زمین کی طرف واپس آگیا، جس کے بعد سوئفٹ کو بچانے کی کوشش ترک کردی گئی۔
ناسا کا ریسکیو مشن کیوں ناکام ہوا؟
▼
کیا زمین پر تباہی مچ سکتی ہے؟
خلائی دوربین کا بیشتر حصہ زمین کی فضا میں داخل ہوتے ہی شدید حرارت کے باعث جل کر ختم ہوجائے گا، لیکن اس کے تمام حصوں کے مکمل طور پر تباہ ہونے کی ضمانت نہیں۔
ناسا کے چیف سائنس دان بریڈ سینکو کے مطابق ٹنگسٹن سے بنے بعض انتہائی مضبوط پرزے اور آئینے کے کچھ حصے زمین تک پہنچ سکتے ہیں۔
ٹنگسٹن سیسے سے بھی زیادہ کثیف دھات ہے، اس لیے اس کے بعض حصوں کے فضائی سفر کے دوران بچ نکلنے کا امکان موجود ہے۔
امریکی اسپیس فورس کے اندازوں کے مطابق باقی ماندہ ملبہ زیادہ امکان ہے کہ سمندر میں گرے، تاہم افریقا، آسٹریلیا، بھارت، جنوب مشرقی ایشیا اور وسطی و جنوبی امریکا کے وسیع علاقے ممکنہ واپسی کے دائرے میں آتے ہیں۔
کائنات کی تلاش کا ایک اہم باب ختم
سوئفٹ کی اہمیت صرف اس کے وزن یا خلائی سفر تک محدود نہیں ہے۔
اس نے اپنے 22 سالہ مشن کے دوران کائنات میں ہونے والے 2 ہزار سے زیادہ طاقتور گاما شعاعوں کے دھماکوں اور تقریباً 1400 سپرنووا واقعات کا مشاہدہ کیا۔
اس کی خاص صلاحیت یہ تھی کہ کائنات میں کسی غیر معمولی دھماکے کا پتا چلتے ہی تیزی سے اپنا رخ تبدیل کرکے اس کا مشاہدہ کرسکتی تھی۔
یہی وجہ ہے کہ ناسا اسے ہبل اور جیمز ویب جیسی دوربینوں کے لیے ابتدائی اطلاع فراہم کرنے والا اہم خلائی نظام سمجھتا تھا۔ اب اس کے مشاہداتی کام کو آگے بڑھانے کے لیے نئے متبادل تلاش کیے جا رہے ہیں۔
امریکی اسپیس فورس اس کے مدار اور زمین کی طرف واپسی کے راستے پر مسلسل نظر رکھے ہوئے ہے۔
اس طرح 2 دہائیوں سے کائنات کے راز تلاش کرنے والی یہ تاریخی دوربین اب اپنے آخری سفر پر روانہ ہے۔