ایک نوجوان میدان میں آیا تھا، ایک داستان میدان سے رخصت ہوئی

یہ لمحہ اس لیے بھی خاص تھا کہ 17 برس تک میسی کے ساتھ قومی ٹیم میں کھیلنے والے اوتامندی بھی اپنا آخری بین الاقوامی میچ کھیل رہے تھے۔

چلی کے ریفری فرنینڈو ویخار نے آخری سیٹی کے بعد میسی کو میچ کی گیند کے ساتھ اپنے سرخ اور پیلے کارڈ بھی یادگار کے طور پر پیش کیے اور انہیں گلے لگایا۔ وہ کارڈ سزا نہیں، ایک غیر معمولی خراج تحسین تھے۔

مائیکروفون ہاتھ میں آیا تو میسی نے مشکل وقت میں بھی ارجنٹائن کے لیے لڑتے رہنے کا ذکر کیا۔ پھر شائقین سے کہا کہ وہ انہیں یاد کریں گے اور ارجنٹائن کا شہری ہونے پر فخر محسوس کرتے ہیں۔