خالد نواز چیمہ
جدہ
پاکستان مسلم لیگ (ن) پنجاب کے نائب صدر اور معروف قانون دان چوہدری مستنصر علی گوندل ایڈووکیٹ سے جدہ میں کاروباری و سماجی شخصیات نے ملاقات کی اور انہیں عمرہ کی سعادت حاصل کرنے پر مبارکباد پیش کی۔
ملاقات میں اوورسیز پاکستانیوں کے مسائل، پاکستان کی موجودہ صورتِ حال اور پاک سعودی تعلقات پر تبادلۂ خیال کیا گیا۔
پاکستان مسلم لیگ (ن) پنجاب کے نائب صدر اور معروف قانون دان چوہدری مستنصر علی گوندل ایڈووکیٹ کی جدہ آمد پر معروف کاروباری و سماجی شخصیات چوہدری بشیر، حافظ افضال احمد طور، چوہدری خالد نواز چیمہ اور عبدالرؤف سندھو نے ان سے ملاقات کی اور عمرہ کی سعادت حاصل کرنے پر دلی مبارکباد پیش کی۔
ملاقات کے دوران باہمی دلچسپی کے امور، پاکستان کی موجودہ سیاسی و سماجی صورتِ حال، اوورسیز پاکستانیوں کو درپیش مسائل اور پاکستان و سعودی عرب کے دیرینہ برادرانہ تعلقات پر تفصیلی تبادلۂ خیال کیا گیا۔
مزید پڑھیں
شرکائے ملاقات نے سعودی عرب میں مقیم پاکستانی کمیونٹی کے باہمی اتحاد اور بھائی چارے کو مزید مضبوط بنانے کی ضرورت پر زور دیتے ہوئے کہا کہ اوورسیز پاکستانی وطنِ عزیز کی ترقی اور خوشحالی میں اہم کردار ادا کر سکتے ہیں۔
چوہدری مستنصر علی گوندل ایڈووکیٹ نے سعودی عرب میں مقیم پاکستانیوں کی خدمات کو سراہتے ہوئے کہا کہ بیرونِ ملک پاکستانی
نہ صرف ترسیلاتِ زر کے ذریعے قومی معیشت میں نمایاں کردار ادا کر رہے ہیں بلکہ دنیا بھر میں پاکستان کا مثبت تشخص اجاگر کرنے میں بھی اہم خدمات انجام دے رہے ہیں۔
اس موقع پر شرکاء نے چوہدری مستنصر علی گوندل ایڈووکیٹ کی طویل وکالتی اور سیاسی خدمات کو خراجِ تحسین پیش کیا۔
انہوں نے کہا کہ چوہدری مستنصر علی گوندل کا بار کے صدر کی حیثیت سے 12 مرتبہ انتخاب وکلا برادری میں ان کی مقبولیت، قائدانہ صلاحیتوں اور ان پر کیے جانے والے اعتماد کا واضح ثبوت ہے۔
بیرونِ ملک پاکستانی نہ صرف ملکی معیشت میں اہم کردار ادا کر رہے ہیں بلکہ دنیا بھر میں پاکستان کا مثبت تشخص اجاگر کرنے میں بھی نمایاں خدمات انجام دے رہے ہیں۔
شرکاء کے مطابق ان کی مسلسل کامیابیاں پیشہ ورانہ صلاحیت، اصول پسندی، وکلا برادری کی خدمت اور مضبوط عوامی روابط کا مظہر ہیں۔
ملاقات کے اختتام پر چوہدری مستنصر علی گوندل ایڈووکیٹ کے لیے نیک خواہشات کا اظہار کیا گیا اور ان کے عمرے کی قبولیت، صحت و سلامتی اور مزید کامیابیوں کے لیے خصوصی دعا کی گئی۔
ملاقات خوشگوار ماحول میں اختتام پذیر ہوئی، جبکہ شرکاء نے آئندہ بھی باہمی رابطوں اور تعلقات کو مزید مضبوط بنانے کے عزم کا اظہار کیا۔