سعودی عرب نے پاکستان کے صوبہ بلوچستان کے مختلف علاقوں میں علیحدگی پسندوں کی جانب سے کئے گئے دہشت گرد حملوں کی سخت الفاظ میں مذمت کی ہے۔
سعودی پریس ایجنسی کے مطابق وزارت خارجہ نے شدت پسندوں کی طرف سے ہونے والے دھماکوں کی شدید مخالفت کا اظہار کیا ہے۔
مزید پڑھیں
وزارت خارجہ نے اپنے بیان میں کہا ہے کہ سعودی عرب ہر قسم کی دہشت گرد اور انتہا پسندانہ کارروائیوں کو مکمل طور پر مسترد کرتا ہے۔
سعودی عرب، پاکستان کے برادر عوام کے ساتھ کھڑا ہے نیز اس کی سلامتی اور علاقائی تحفظ کے لیے کی جانے والی سیکیورٹی کوششوں کی حمایت کرتا ہے۔
وزارتِ خارجہ نے جاں بحق ہونے والوں کے اہلِ خانہ اور اسلامی جمہوریہ پاکستان کی حکومت اور عوام سے دلی تعزیت کا اظہار کیا ہے اور زخمیوں کی جلد صحتیابی کے لیے نیک تمناؤں کا اظہار کیا ہے۔