ورلڈ کپ 2026 کے پری کوارٹر فائنل میں مصر نے ارجنٹائن کے خلاف شاندار آغاز کرتے ہوئے دو گول کی برتری حاصل کر لی تھی، مگر آخری 11 منٹ میں عالمی چیمپئن نے ناقابلِ یقین کم بیک کرتے ہوئے مسلسل 3 گول داغ دیے اور 3-2 سے کامیابی حاصل کر کے کوارٹر فائنل میں جگہ بنا لی۔
لیونل میسی نے پینلٹی ضائع کرنے کے باوجود گول اور اسسٹ کے ساتھ میچ کا بہترین کھلاڑی بننے کا اعزاز حاصل کیا۔
ورلڈ کپ 2026 کے پری کوارٹر فائنل میں مصر ایک تاریخی کامیابی سے صرف چند منٹ کے فاصلے پر تھا، مگر عالمی چیمپئن ارجنٹائن نے تجربے، حوصلے اور جارحانہ کھیل کا مظاہرہ کرتے ہوئے آخری لمحات میں سنسنی خیز واپسی کی اور 3-2 سے فتح اپنے نام کر لی۔
اٹلانٹا کے مرسڈیز بینز اسٹیڈیم میں کھیلے گئے اس مقابلے کا آغاز مصر کے لیے خواب جیسا رہا۔
15ویں منٹ میں مروان عطیہ کی شاندار پاس پر یاسر ابراہیم نے گول کر کے ارجنٹائن کو حیران کر دیا۔
مزید پڑھیں
صرف 6 منٹ بعد ارجنٹائن کو پینلٹی ملی، لیکن لیونل میسی اپنی کوشش کو گول میں تبدیل نہ کر سکے، جبکہ مصری گول کیپر مصطفیٰ شوبیر نے شاندار بچاؤ کر کے اپنی ٹیم کی برتری برقرار رکھی۔
دوسرے ہاف میں مصر نے دفاعی نظم و ضبط کے ساتھ کھیل جاری رکھا اور 67ویں منٹ میں مصطفیٰ زیکو نے ہیثم حسن کی مدد سے
دوسرا گول کر کے اسکور 2-0 کر دیا، جس کے بعد ایسا محسوس ہونے لگا کہ مصر پہلی بار ورلڈ کپ کے کوارٹر فائنل میں پہنچ جائے گا۔
😮💨 Another incredible save from Mostafa Shobeir to retain Egypt's lead!#FIFAWorldCup | #Egypt pic.twitter.com/Qt1tz5loOy
— beIN SPORTS (@beINSPORTS_EN) July 7, 2026
تاہم ارجنٹائن نے ہمت نہیں ہاری۔
79ویں منٹ میں کرسٹیان رومیرو نے فرق کم کیا، پھر 83ویں منٹ میں لیونل میسی نے شاندار انداز میں برابر کا گول داغ کر میچ کا رخ بدل دیا۔
جب میچ اضافی وقت میں داخل ہوا تو لاوتارو مارٹینیز کی عمدہ کراس پر اینزو فرنانڈیز نے 90+3 منٹ میں ہیڈر کے ذریعے فیصلہ کن گول کر دیا، جس نے مصر کے تمام خواب ایک لمحے میں چکنا چور کر دیے۔
🇪🇬🙌
— beIN SPORTS (@beINSPORTS_EN) July 7, 2026
Check out some of the fan reactions to Egypt's opening goal against Argentina!#FIFAWorldCup | #Egypt pic.twitter.com/yKefYDPENs
اگرچہ مصر طویل وقت تک اسکور میں آگے رہا، لیکن مجموعی کھیل میں ارجنٹائن کا غلبہ واضح تھا۔
- گیند پر قبضہ: ارجنٹائن 64٪، مصر 36٪
- مجموعی شاٹس: 19 بمقابلہ 5
- ہدف پر شاٹس: 7 بمقابلہ 2
- پاسنگ درستگی: 90٪ بمقابلہ 83٪
- متوقع گولز (xG): 2.90 بمقابلہ 0.97
یہ اعداد و شمار ظاہر کرتے ہیں کہ ارجنٹائن مسلسل دباؤ ڈال رہا تھا اور آخرکار اسی دباؤ نے آخری لمحات میں نتیجہ بدل دیا۔
GOAL!
— beIN SPORTS (@beINSPORTS_EN) July 7, 2026
Cometh the hour, cometh the man. Lionel Messi saves the day for Argentina with his 21st @FIFAWorldCup goal!
🇦🇷 Argentina 2-2 Egypt 🇪🇬#FIFAWorldCup | #Argentina pic.twitter.com/9hQB3DuFar
میچ کا بہترین کھلاڑی
لیونل میسی نے اگرچہ پہلے ہاف میں پینلٹی ضائع کی، لیکن بعد میں ایک گول اور ایک اسسٹ کے ساتھ شاندار واپسی کرتے ہوئے 9/10 ریٹنگ حاصل کی اور مین آف دی میچ قرار پائے۔