ریاض میونسپلٹی نے البطحاء میں پارکوں اور عوامی مقامات کے ضوابط کی خلاف ورزی کرنے والے پانچ افراد کو گرفتار کیا ہے۔
اخبار 24 کے مطابق میونسپلٹی نے بتایا ہے کہ ان کی خلاف ورزی اسمارٹ نگرانی کے نظام کے ذریعے ثابت ہونے پر قانونی کارروائی کی گئی ہے۔
یہ اقدامات پارکوں کے زائرین کی حفاظت، سہولیات کے تحفظ اور محفوظ ماحول فراہم کرنے کے لیے جاری ہیں۔
مزید پڑھیں
میونسپلٹی نے کہا ہے کہ ایسی منفی عادات زائرین کے تجربے کو متاثر کرتی ہیں، اس لیے مستقل نگرانی اور عمل درآمد ضروری ہے تاکہ خاندان اور مختلف معاشرتی طبقات کے لیے روزانہ استعمال کے لیے محفوظ ماحول فراہم کیا جا سکے۔
ریاض میونسپلٹی نے تصدیق کی ہے کہ اسمارٹ نگرانی کے نظام کے ساتھ میدانی دورے بھی جاری رہیں گے تاکہ مثبت رویے کی آگاہی
بڑھائی جا سکے، عوامی سہولیات کا تحفظ ممکن بنایا جا سکے اور شہر کے کھلے مقامات سے بھرپور استفادہ کیا جا سکے۔
یہ اقدامات شہری ترقی، معیار زندگی میں بہتری اور منظم شہری ماحول فراہم کرنے کے لیے کیے جا رہے ہیں جو سعودی وژن 2030 کے تحت خوشحال اور مستحکم شہر کے اہداف سے ہم آہنگ ہیں۔