مسجد الحرام اور مسجد نبوی میں خواتین کے امور کا ادارہ صحن مطاف اور حرم شریف میں خواتین زائرین کے لیے جامع دینی خدمات کا نظام فراہم کر رہا ہے۔
اس کا مقصد خواتین زائرین کو دینی رہنمائی اور تجربے کو بہتر بنانا ہے۔
دعوہ و رہنمائی کے شعبے کی معاون خواتین ٹیم اہم اور زیادہ بھیڑ والے مقامات، خاص طور پر حطیم میں فعال کردار ادا کرتی ہیں۔
مزید پڑھیں
وہ خواتین زائرین کو شرعی رہنمائی دیتی ہیں، طواف کے آداب اور سنتوں کی یاد دہانی کراتی ہیں اور جمعہ کے دن اور اس کی رات کی سنتوں سے آگاہ کرتی ہیں۔ اس کے علاوہ وہ زائرین کے سوالات کے جوابات دیتی ہیں، رہنمائی فراہم کرتی ہیں اور عبادات کے دوران مدد کی طلبگار خواتین کی معاونت کرتی ہیں۔
ڈیجیٹل شعبے میں یہ اشاعت شدہ مواد کے بارکوڈز فراہم کرتی ہیں
اور مختلف زبانوں میں دینی مواد زائرین تک پہنچاتی ہیں جس سے شرعی معلومات تک آسان رسائی اور رہنمائی کا فروغ ممکن ہوتا ہے۔
یہ تمام اقدامات مستند دینی آپریشنل منصوبے کے تحت کئے جا رہے ہیں جس کا مقصد حرمین شریفین کا پیغام دنیا تک پہنچانا اور خواتین کے لیے دینی خدمات کو مضبوط کرنا ہے۔
