قطر کی وزارت دفاع نے اعلان کیا ہے کہ ابوظبی سے آنے والے سامان بردار جہاز کو اتوار کی صبح ڈرون حملے کا نشانہ بنایا گیا۔
وزارت نے سوشل میڈیا پلیٹ فارم ایکس پر جاری بیان میں کہا ہے کہ ’قطر کی وزارتِ دفاع اعلان کرتی ہے کہ ریاستی علاقائی پانیوں میں، مسیعید بندرگاہ کے شمال مشرق میں، ابوظبی سے آنے والے ایک تجارتی سامان بردار جہاز کو آج اتوار کی صبح ایک ڈرون کے ذریعے نشانہ بنایا گیا، جس کے نتیجے میں جہاز میں محدود آگ بھڑک اٹھی، تاہم کوئی جانی نقصان نہیں ہوا۔
تعلن وزارة الدفاع القطرية عن تعرض سفينة بضائع تجارية في المياه الإقليمية للدولة، شمال شرق ميناء مسيعيد، قادمة من أبو ظبي، صباح اليوم الأحد، لاستهداف بطائرة مسيّرة، مما تسبب في اندلاع حريق محدود في السفينة، دون وقوع أي إصابات، وتابعت السفينة رحلتها باتجاه ميناء مسيعيد بعد السيطرة… pic.twitter.com/p6wC7M3Iig
— وزارة الدفاع - دولة قطر (@MOD_Qatar) May 10, 2026
بیان میں مزید کہا گیا کہ آگ پر قابو پانے کے بعد جہاز نے اپنی سفر جاری رکھا اور مسیعید بندرگاہ کی جانب روانہ ہو گیا، جبکہ متعلقہ اداروں کے ساتھ ضروری اقدامات اور رابطہ کاری مکمل کر لی گئی ہے۔
دوسری جانب برطانوی بحری تجارتی آپریشنز مرکز نے آج اتوار کی صبح بتایا کہ خلیج میں ایک کارگو جہاز کسی نامعلوم شے سے متاثر ہوا، اور قطر کے دارالحکومت دوحہ کے شمال مشرق میں پیش آنے والے اس واقعے کے نتیجے میں جہاز میں معمولی آگ لگ گئی، جس پر قابو پا لیا گیا۔
ادارے نے تصدیق کی کہ واقعے میں کوئی جانی نقصان یا ماحولیاتی نقصان نہیں ہوا۔
بيان رقم (61)
— KUWAIT ARMY - الجيش الكويتي (@KuwaitArmyGHQ) May 10, 2026
صرّح المتحدث الرسمي لوزارة الدفاع
العقيد الركن سعود عبدالعزيز العطوان
بأن القوات المسلحة رصدت، فجر اليوم، عددًا من المسيّرات المعادية داخل المجال الجوي الكويتي، وتم التعامل معها وفق الإجراءات المعتمدة.
وتؤكد القوات المسلحة جاهزيتها الكاملة للحفاظ على أمن الوطن… pic.twitter.com/9AVrzwHBUy
اسی دوران کویت کی وزارت دفاع کے سرکاری ترجمان کرنل سعود العطوان نے اعلان کیا ہے کہ آج علی الصبح کویتی مسلح افواج نے ملکی فضائی حدود میں متعدد دشمن ڈرون طیاروں کا سراغ لگایا۔
وزارتِ دفاع کے ترجمان کے مطابق ان ڈرونز سے مقررہ طریقہ کار کے مطابق نمٹا گیا، جبکہ انہوں نے اس بات پر زور دیا کہ کویتی مسلح افواج وطن کے تحفظ اور شہریوں و مقیم افراد کی سلامتی برقرار رکھنے کے لیے مکمل طور پر تیار ہیں۔