باخبر ذرائع نے کہا ہے کہ ہرمز پر امریکہ کی جانب سے عائد کردہ محاصرہ، امریکا اور ایران کے درمیان متوقع مذاکرات کے دوسرے دور پر غیر یقینی صورتحال میں اضافہ کا سبب بن گیا ہے۔
ذرائع کے مطابق تہران نے اس سے قبل خاموش سفارتی اشاروں کے ذریعے واشنگٹن کو آگاہ کیا تھا کہ وہ مذاکرات کی بحالی کے لیے ایک وفد اسلام آباد بھیجنے کے لیے تیار ہے اور توقع تھی کہ امریکی وفد کی قیادت دوبارہ جی ڈی وینس کریں گے، جیسا کہ سی این این نے رپورٹ کیا۔
مزید پڑھیں
ایران نے یہ بھی اشارہ دیا تھا کہ اگر وینس شریک ہوتے ہیں تو وہ محمد باقر قالیباف کو اپنے مذاکراتی وفد کا سربراہ مقرر کرے گا، جو گزشتہ دور میں بھی قیادت کر چکے ہیں۔
تاہم بعد ازاں ایرانی مؤقف میں تبدیلی آئی اور تہران نے ثالثوں کو آگاہ کیا کہ ایرانی بندرگاہوں پر عائد امریکی محاصرے کا خاتمہ کسی بھی نئے براہِ راست مذاکرات کے آغاز کے لیے بنیادی شرط ہے۔
یہ شرط اب تک مذاکراتی عمل میں تعطل کی ایک بڑی وجہ بن چکی ہے، کیونکہ وائٹ ہاؤس حکام کے مطابق امریکی وفد کے کسی بھی رکن — بشمول وینس اور خصوصی ایلچی اسٹیو وٹکوف اور جارڈ کشنر — نے تاحال امریکا سے روانگی اختیار نہیں کی۔
منگل کی صبح ایک انٹرویو میں امریکی صدر ڈونلڈ ٹرمپ نے حتمی معاہدے کے بغیر سمندری گزرگاہ کھولنے سے متعلق سخت مؤقف اختیار کیا۔
انہوں نے CNBC سے گفتگو میں کہا کہ ہم سمندری راستہ اس وقت تک نہیں کھولیں گے جب تک حتمی معاہدہ نہیں ہو جاتا۔