سعودی معیشت میں مقامی لیکویڈیٹی نے فروری 2026 کے اختتام پر سالانہ بنیادوں پر نمایاں اضافہ ریکارڈ کیا جو تقریباً 255.7 ارب ریال رہا، یعنی 8.4 فیصد اضافہ، جس کے بعد مجموعی حجم 3.289 ٹریلین ریال سے تجاوز کر گیا۔
جبکہ گزشتہ سال اسی مدت میں یہ 3.033 ٹریلین ریال تھا۔
یہ اعداد و شمار سعودی سینٹرل بینک ’ساما‘ کی ماہانہ شماریاتی رپورٹ کے مطابق ہیں۔
مزید پڑھیں
سعودی پریس ایجنسی کے مطابق ماہانہ بنیادوں پر بھی مقامی لیکویڈیٹی میں اضافہ جاری رہا، جو جنوری 2026 کے اختتام کے مقابلے میں 71.5 ارب ریال (2.2 فیصد) بڑھا۔
لیکویڈیٹی میں سالانہ اضافہ اس کے بنیادی اجزاء میں اضافے کا عکاس ہے، جہاں ’مدتی اور بچت کھاتے‘ سب سے آگے رہے، جن میں 167.1 ارب ریال سے زائد اضافہ ہوا، اس کے بعد ’دیگر نیم نقدی جمع رقوم‘
میں تقریباً 60.6 ارب ریال کا اضافہ ریکارڈ کیا گیا۔
اجزاء کی تقسیم کے مطابق کرنٹ اکاؤنٹس ’طلبی جمع رقوم‘ 45.2 فیصد کے ساتھ سرفہرست رہے، جن کی مالیت تقریباً 1.488 ٹریلین ریال رہی، جبکہ ’مدتی اور بچت کھاتے‘ 36.4 فیصد 1.198 ٹریلین ریال کے ساتھ دوسرے نمبر پر رہے۔
’دیگر نیم نقدی جمع رقوم‘ کا حجم 354.3 ارب ریال (10.8 فیصد) رہا، جبکہ بینکوں کے باہر گردش میں موجود نقد رقم 248 ارب ریال (7.5 فیصد) رہی۔
نیم نقدی جمع رقوم سے مراد مقامی افراد کی غیر ملکی کرنسی میں جمع رقوم، لیٹر آف کریڈٹ کے مقابل ڈپازٹس، زیر التواء ٹرانسفرز، اور نجی شعبے کے ساتھ ریپو شامل ہیں۔