سعودی عرب سے پڑوسی ممالک کی طرف 28 فروری سے اب تک سپلائی چین میں وسیع خلل کے باوجود تقریباً ایک لاکھ 66 ہزار مال بردار ٹرک منتقل ہو چکے ہیں۔
تفصیلی اعداد و شمار
- سعودی عرب سے متحدہ عرب امارات: تقریباً 60 ہزار ٹرک
- کویت: تقریباً 25 ہزار ٹرک
- اردن: تقریباً 24,500 ٹرک
- قطر: تقریباً 17 ہزار ٹرک
- بحرین: تقریباً 19,500 ٹرک
- عراق: تقریباً 6 ہزار ٹرک
یہ اعداد و شمار ظاہر کرتے ہیں کہ سعودی عرب سے پڑوسی مارکیٹس تک مال کی روانی جاری ہے، حالانکہ خطے میں جیوپولیٹیکل صورتحال اور لاجسٹک مشکلات برقرار ہیں۔
سعودی جنرل اتھارٹی فار ٹرانسپورٹ کے نائب صدر برائے تنظیم عبد المجید الطاسان، نے العربيہ سے گفتگو میں کہا کہ سعودی عرب کا زمینی ٹرانسپورٹ بیڑہ نصف ملین سے زائد ٹرک پر مشتمل ہے اور یہ خلیجی ممالک میں ہر قسم کی اشیاء کی ترسیل کی صلاحیت رکھتا ہے۔
انہوں نے بتایا کہ موجودہ حالات میں ہوائی اور بحری نقل و حمل پر پابندیوں کی وجہ سے، خلیج میں زمینی ٹرانسپورٹ پر زیادہ انحصار کیا جا رہا ہے۔
سعودی بندرگاہیں، خاص طور پر بحر احمر کے کنارے، مال وصول کر کے اسے ملک کے اندر اور دیگر خلیجی ممالک میں زمینی راستے سے منتقل کرنے میں اہم کردار ادا کر رہی ہیں۔