ایران کے وزیر خارجہ عباس عراقچی نے ہفتے کے روز واضح کیا ہے کہ تہران حکومت نے کبھی اسلام آباد جانے سے انکار نہیں کیا ہے۔
مزید پڑھیں
سماجی رابطوں کی ویب سائٹ ایکس پر اپنے پیغام میں عباس عراقچی نے پاکستان کی جانب سے سفارتی کوششوں کا شکریہ ادا کیا۔
انہوں نے اس بات پر زور دیا کہ ایران پر مسلط غیر قانونی جنگ کے خاتمے کے لیے مستقل اور پائیدار شرائط درکار ہیں۔
ایرانی وزیر خارجہ نے امریکی میڈیا پر تنقید کرتے ہوئے کہا کہ وہ مذاکرات کے حوالے سے ایران کے موقف کو مسخ کر کے پیش کر رہا ہے۔
اُن کا کہنا تھا کہ تہران کسی بھی ایسی پیش رفت کا خواہاں ہے جو جنگ کے حتمی خاتمے کا باعث بنے۔
Iran's position is being misrepresented by U.S. media.
— Seyed Abbas Araghchi (@araghchi) April 4, 2026
We are deeply grateful to Pakistan for its efforts and have never refused to go to Islamabad. What we care about are the terms of a conclusive and lasting END to the illegal war that is imposed on us.
پاکستان زنده باد pic.twitter.com/AUjBQxOFyA
یاد رہے کہ امریکی صدر ڈونلڈ ٹرمپ نے گزشتہ منگل کو ایک خطاب میں دعویٰ کیا تھا کہ ایران کے خلاف جنگ سے اس کی عسکری اور معاشی طاقت تباہ ہو چکی ہے۔
انہوں نے کہا کہ ایرانی جوہری پروگرام کا خاتمہ ہو چکا ہے اور جنگ اپنے اہداف کے حصول تک جاری رہے گی۔
صدر ٹرمپ نے دھمکی دی تھی کہ آئندہ 2 سے 3 ہفتوں کے دوران ایران پر شدید فضائی حملے کیے جائیں گے۔
بدھ کے روز اپنے ایک اور خطاب میں انہوں نے جنگ کے جلد خاتمے کی امیدوں کو مسترد کرتے ہوئے ایران کو پتھر کے دور میں دھکیلنے کا کہا تھا۔