رمضان کے آخری عشرے کے آغاز کے ساتھ ہی مسجد الحرام میں عبادت گزاروں کی آمد کا سلسلہ جاری ہے۔
مزید پڑھیں
سبق ویب سائٹ کے مطابق 20 رمضان کی صبح مطاف میں انتہائی روح پرور مناظر دیکھنے میں آئے، جہاں زائرین اور عمرہ کرنے والے افراد انتہائی سکون اور اطمینان کے ساتھ اپنی عبادات میں مصروف رہے۔
ویڈیو میں صحنِ مطاف میں زائرین کی نقل و حرکت میں غیر معمولی روانی دیکھی گئی۔
یہ پرسکون صورت حال اس بات کا واضح ثبوت ہے کہ متعلقہ اداروں
کی جانب سے ہجوم کو سنبھالنے اور انتظامی منصوبہ بندی پر کس قدر موثر طریقے سے عمل درآمد کیا جا رہا ہے۔
مسجد الحرام میں رمضان کے آخری اور اہم ترین حصے میں زائرین کی سہولت کے لیے ایک مربوط نظام دن رات فعال ہے۔
انتظامیہ کے مطابق انسانی وسائل کی ایک بڑی ٹیم اور جدید مشینری ہر وقت مستعد ہے تاکہ مسجد الحرام میں آنے والوں کو بہترین طبی، حفاظتی اور دیگر سہولیات فراہم کی جا سکیں اور کسی بھی ممکنہ رکاوٹ کو دور رکھا جا سکے۔
واضح رہے کہ حرم مکی میں موجود سہولیات اور منظم ماحول سعودی قیادت کی خصوصی توجہ کا نتیجہ ہے، جن کا عزم ہے کہ خانہ کعبہ آنے والے ہر مہمان کو عبادت کے دوران ہر ممکن آسانی فراہم کی جائے۔